11 বজাৰ শীৰ্ষ দহটা বাতৰি :
নপতা মেট্ৰিকৰ ফলাফল ঘোষণা : উৰ্ত্তীৰ্ণৰ হাৰ ৯৩.১০ শতাংশ
শুকুৰবাৰে ঘোষণা কৰা হ’ল হাইস্কুল শিক্ষান্ত পৰীক্ষাৰ ফলাফল সমূহ ৷ ক’ভিড পৰিস্থিতিৰ বাবে পৰীক্ষা অনুষ্ঠিত নোহোৱাকৈ বিকল্প মূল্যাংকনৰ পদ্ধতিৰে এইবাৰৰ ফলাফল সমূহ ঘোষণা কৰা হৈছে ৷
Tokyo Olympics : বক্সিঙৰ ছেমি ফাইনেলত প্ৰৱেশ কৰিলে লাভলীনাই
2018 চনৰ মহিলা বক্সিঙৰ বিশ্ব চেম্পিয়ন চীনৰ চেন নিয়েন চিনক শুকুৰবাৰে 4-1 ৰ ব্যৱধানত পৰাস্ত কৰিলে অসম কন্যা লাভলীনাই ৷ ইয়াৰ লগে লগে লগেই টকিঅ’ অলিম্পিকত ভাৰতৰ বাবে লাভলীনাই এটা পদক নিশ্চিত কৰিছে ৷
আৰক্ষীৰ জালত খ্ৰীষ্ট ধৰ্ম প্ৰচাৰক ৰঞ্জন চুতীয়া
গুৰুজনাৰ কলা-সংস্কৃতিক বিকৃত কৰাৰ অপৰাধত ডিব্ৰুগড় আৰক্ষীয়ে গ্ৰেপ্তাৰ কৰিলে খ্ৰীষ্টান ধৰ্মৰ প্ৰচাৰক ৰঞ্জন চুতীয়াক ৷ ডিব্ৰুগড়ৰ হিন্দু যুৱ ছাত্ৰ পৰিষদে (Hindu Yuba Parishad) তৰা গোচৰৰ ভিত্তিত গ্ৰেপ্তাৰ কৰে ৰঞ্জন চুতীয়াক ৷
অমলেট খাবলৈ নাপাই তোতা মিঞাই পত্নীক কি কৰিলে জানে নে ?
ব্ৰেকফাষ্টত ৰুটীৰ সৈতে অমলেট নাপাই খং এজন লোকৰ ৷ খঙৰ ভমকতে পত্নীৰ লগত সংঘটিত কৰিলে নকৰিব লগীয়া কাণ্ড ৷ ভোজন বিলাসী তোতামিঞাক সম্প্ৰতি গৰিহণা দিছে ৰাইজে ৷
পুৱতি নিশা বন্যহস্তীয়ে ভাঙিলে কেইবাটাও বাসগৃহ
চামগুৰি পদুমনি গাঁৱত শুকুৰবাৰে পুৱতি নিশা বন্যহস্তীৰ চলালে উপদ্ৰৱ ৷ গাঁওখনৰ কেইবাজনো লোকৰ ঘৰ দুৱাৰ ভঙাৰ লগতে খাই তহিলং কৰিলে ভঁৰালৰ ধান ৷
মুখ্য়মন্ত্ৰীক মিজোৰামৰ বিৰুদ্ধে সবল স্থিতি গ্ৰহণৰ আহ্বান এ আই ইউ ডি এফৰ
এ আই ইউ ডি এফৰ জনীয়াৰ বিধায়ক ৰফিকুল ইছলাম আৰু চেঙাৰ বিধায়ক আশ্ৰাফুল হুছেইনে বৃহস্পতিবাৰে শ্বহীদ নাজমূল হকৰ শোক সন্তপ্ত পৰিয়ালবৰ্গক সাক্ষাৎ কৰি সমবেদনা জনায় ৷ বিধায়ক দুগৰাকীয়ে মুখ্যমন্ত্ৰীক দৃঢ় স্থিতি গ্ৰহণৰ বাবে আহ্বান জনায় ৷
অসমখন মুখ্যমন্ত্ৰী ড৹ হিমন্ত বিশ্ব শৰ্মাৰ পৈতৃক সম্পত্তি নহয় : মনোৰঞ্জন তালুকদাৰ
অসম-মিজোৰাম সীমা বিবাদৰ শ্বহীদক শ্ৰদ্ধাঞ্জলি জনাবলৈ মঙলবাৰে শিলচৰত উপস্থিত হৈছিল মুখ্যমন্ত্ৰী ড৹ হিমন্ত বিশ্ব শৰ্মা ৷ শৰ্মাই শিলচৰত সীমান্ত বিবাদ নিস্পত্তি(settlement of border dispute)ৰ ক্ষেত্ৰত কেন্দ্ৰীয় চৰকাৰৰ স্থিতিয়েই অসমৰ স্থিতি হ’ব বুলি উল্লেখ কৰিছিল ৷
মুখ্যমন্ত্ৰীক সমালোচনা কৰা সকল দেশৰ বিশ্বাসঘাতক : জয়ন্ত মল্ল বৰুৱা
মিজো আৰক্ষীৰ (mizo police) গুলীত নিহত শ্বহীদ জোৱান নামমূল হকৰ বৰপেটাৰ কদমগুৰি গাঁৱৰ ঘৰত উপস্থিত শিক্ষা মন্ত্ৰী ডাঃ ৰণোজ পেগু আৰু মুখ্যমন্ত্ৰীৰ ৰাজনৈতিক উপদেষ্টা জয়ন্তমল্ল বৰুৱা ৷
অসম-মিজোৰাম সীমান্তৰ ৰাইজক শংকিত নহ’বলৈ আহ্বান অশোক সিংঘালৰ
অসম-মিজোৰাম সীমান্তৰ পৰিস্থিতিৰ বুজ ল'বলৈ কাছাৰ জিলাৰ সীমান্তত উপস্থিত হয় কাছাৰৰ অভিভাৱক মন্ত্ৰী অশোক সিংঘাল, বন মন্ত্ৰী পৰিমল শুক্লবৈদ্য, অসম আৰক্ষীৰ বিশেষ সঞ্চালক প্ৰধান জি পি সিং, বিধায়ক কৌশিক ৰায় আৰু দীপায়ন চক্ৰৱৰ্তী । স্থানীয় ৰাইজক শংকিত নহ'বলৈ আশ্বাস দিলে অভিভাৱক মন্ত্ৰীগৰাকীয়ে ।
কেন্দ্ৰীয় চৰকাৰৰ সদিচ্ছাৰ অভাৱত সীমান্তত সংঘাত হৈছে : টাইপা
অসম-মিজোৰাম সীমান্ত সংঘাতৰ বিৰুদ্ধে ৰাজ্যজুৰি প্ৰতিক্ৰিয়া অব্যাহত আছে ৷ টাই আহোম যুৱ পৰিষদেও অসম-মিজোৰাম সীমান্তৰ গুলিচালনা সন্দৰ্ভত প্ৰতিক্ৰিয়া ব্যক্ত কৰিছে ৷ পৰিষদে লগতে নিহত জোৱানসকলৰ পৰিয়ালক শীঘ্ৰে উচিত ক্ষতিপূৰণ দিবলৈ চৰকাৰক দাবী জনাইছে ।
