বকো, 2 এপ্ৰিল: কামৰূপৰ বকো সমষ্টিৰ সংখ্যালঘু বসতি প্ৰধান সোণতলীত বৃহস্পতিবাৰে এখন বিশাল নিৰ্বাচনী সভাত উপস্থিত হয় ৷ অসম গণ পৰিষদ তথা মিত্ৰজোঁটৰ প্ৰাৰ্থী জ্যোতিপ্ৰসাদ দাসৰ হৈ প্ৰচাৰ চলায় মুখ্যমন্ত্ৰী সৰ্বানন্দ সোণোৱালে ।
নিজ ভাষণত বিগত 5 বছৰ কাৰ্যকালৰ উন্নয়নৰ খতিয়ান দাঙি ধৰাৰ লগতে কেইটামান স্থানীয় সমস্যা সমাধান কৰাৰো প্ৰতিশ্ৰুতি প্ৰদান কৰে মুখ্যমন্ত্ৰী সৰ্বানন্দ সোনোৱালে । বিশেষকৈ সোণতলী এলেকাৰ বানপানী সমস্যা সমাধানৰ বাবে বিজ্ঞান সন্মত মথাউৰি নিৰ্মাণ, সোণতলীত আৰক্ষী থানা স্থাপন, খণ্ড উন্নয়ন কাৰ্যালয় স্থাপনকে ধৰি বিভিন্ন প্ৰতিশ্ৰুতি প্ৰদান কৰে মুখ্যমন্ত্ৰীগৰাকীয়ে ।
বিশাল ভোটৰ ব্যৱধানত মিত্ৰজোঁটৰ প্ৰাৰ্থী জ্যেতি প্ৰসাদ দাসক জয়ী কৰাই দিশপুৰলৈ পঠাবলৈ আহ্বান মুখ্যমন্ত্ৰীৰ ৷ সভাত কৃষিমন্ত্ৰী তথা অসম গণ পৰিষদৰ সভাপতি অতুল বৰা, জলসম্পদ বিভাগৰ মন্ত্ৰী কেশৱ মহন্তকে ধৰি বহুকেইজন বিশিষ্ট ব্যক্তি উপস্থিত থাকে ৷
লগতে পঢ়ক: কাৰ্বি আংলঙত ৩২গৰাকী প্ৰাৰ্থীৰ ভাগ্য বন্দী ইভিএমত
