মহানগৰীত ভয়ংকৰ দুৰ্ঘটনাত নিহত এজন

পানীৰ টেংকাৰ আৰু স্কুটীৰ মাজত সংঘৰ্ষ ৷ থিতাতে নিহত স্কুটী চালক ।

গুৱাহাটী,24 অক্টোবৰ: মহানগৰীৰ পল্টনবজাৰৰ বিশাল পইন্টত বৃহস্পতিবাৰে দুপৰীয়াৰ ভাগত এক ভয়ংকৰ দুৰ্ঘটনা সংঘটিত হয় । দুৰ্ঘটনাত থিতাতে নিহত হয় এজন স্কুটী চালক । তীব্ৰবেগী পানীৰ টেংকাৰ আৰু স্কুটীৰ মাজত হোৱা সংঘৰ্ষৰ ফলত স্কুটীৰ চালকজন থিতাতে নিহত হয় ।

নিহত যুবকজন বিৰুবাৰীৰ বিমল বড়ো বুলি জানিব পৰা গৈছে । দুৰ্ঘটনা সংঘটিত কৰা ট্ৰেংকাৰখনৰ চলকক আৰক্ষীয়ে আটক কৰিবলৈ সক্ষম হয় । দুৰ্ঘটনাৰ পিছত পল্টনবজাৰত বহু সময় ধৰি তীব্ৰ যান-জঁটৰ সৃষ্টি হোৱা পৰিলক্ষিত হয় ।