গুৱাহাটী, 7 ফেব্ৰুৱাৰী : বৰ্ষাপাৰা ষ্টেডিয়ামত অনুষ্ঠিত হ'বলগা ৰাজস্থান ৰয়েলছৰ মেচৰ পূৰ্বে ষ্টেডিয়াম পৰিদৰ্শন কৰিলে ৰাজস্থান ৰয়েলছ আৰু আই এম জিৰ বিষয়াই ৷ উল্লেখ্য যে, গুৱাহাটীৰ বৰ্ষাপাৰাস্থিত অসম ক্ৰিকেট সন্থাৰ ষ্টেডিয়ামত বি চি চি আইয়ে ৰাজস্থান ৰয়েলছৰ তিনিখন আই পি এল মেচ অনুষ্ঠিত কৰিবলৈ অনুমতি প্ৰদান কৰিছিল ৷ সেয়েহে মেচখন অনুষ্ঠিত কৰিবৰ বাবে এনেদৰে পৰিদৰ্শনৰ বাবে উপস্থিত হয় ৰাজস্থান ৰয়েলছ আৰু আই এম জিৰ বিষয়াৰ দল ৷
বৰ্ষাপাৰা ষ্টেডিয়ামত উপস্থিত ৰাজস্থান ৰয়েলছ আৰু আই এম জিৰ বিষয়াৰ
তিনিখনৰ ভিতৰত দুখন মেচ গুৱাহাটীত অনুষ্ঠিত কৰা হ'ব বুলি জানিবলৈ দিয়ে অসম ক্ৰিকেট সন্থাৰ সাধাৰণ সম্পাদক দেৱজিত শইকীয়াই ৷ ষ্টেডিয়াম পৰিদৰ্শনৰ পাচত ৰাজস্থান ৰয়েলছ আৰু আই এম জিৰ বিষয়াসকলে অসম ক্ৰিকেট সন্থাৰ বিষয়াসকলৰ লগত এখন বৈঠকত মিলিত হয় ৷ বৈঠকত আই পি এলৰ মেচ কেইখন পৰিচালনাক লৈ আলোচনা কৰা হয় ৷
