বৰপেটাৰোড, 7 মে’: শান্তি আৰু যুদ্ধ -উভয় ক্ষেত্ৰতে অসম আৰক্ষীয়ে ৰাষ্ট্ৰলৈ আগবঢ়োৱা ব্যতিক্ৰমী সেৱাৰ স্বীকৃতিস্বৰূপে অসম আৰক্ষীলৈ এইবাৰ আগবঢ়োৱা হৈছে ৰাষ্ট্ৰপতিৰ নিচান বঁটা (Colour Award to Assam police)৷ এই বঁটা লাভ কৰি গৌৰৱান্বিত হোৱা আৰক্ষীয়ে বিষয়টো ৰাইজৰ মাজত বহুল প্ৰচাৰৰ বাবে লৈছে বিশেষ পদক্ষেপ ৷ তাৰেই এক অংশ হিচাবে শনিবাৰে পুৱা চাইকেল ৰেলী বাহিৰ কৰা হয় । বৰপেটাৰ আৰক্ষী অধীক্ষক অমিতাভ সিনহাৰ নেতৃত্বত আৰক্ষীৰ এটা বিশাল দলে চাইকেল চলাই বৰপেটা চহৰৰ পৰা হাউলী হৈ বৰপেটাৰোডলৈ ভ্ৰমণ কৰে । বৰপেটাৰোডৰ কিছুসংখ্যক লোকেও আৰক্ষীৰ এই চাইকেল ৰেলীত অংশ লৈ বৰপেটাৰোড চহৰখন পৰিভ্ৰমণ কৰে (Cycle rally by Barpeta police)৷
ৰঙিয়া: ৰঙিয়াতো কামৰূপ আৰক্ষীয়ে বাহিৰ কৰে বাইক ৰেলী । আমিনগাঁৱৰ পৰা ৰঙিয়ালৈ কামৰূপ আৰক্ষীয়ে উলিয়ালে বাইক ৰেলী । আজাদী কী অমৃত মহোৎসৱৰ লগত সংগতি ৰাখি কামৰূপ আৰক্ষীৰ বাইক ৰেলী । অসম আৰক্ষীৰ ৬০ গৰাকী আৰক্ষীৰ শীৰ্ষ বিষয়া আৰু কনিষ্টবলক লগত লৈ কামৰূপ আৰক্ষী অধীক্ষকৰ নেতৃত্বত এই বাইক ৰেলী । বাইক ৰেলীৰ অন্তত ৰঙিয়াৰ ঐতিহাসিক হৰদত্ত বীৰদত্ত ভৱনত বাৰেৰহণীয়া সাংস্কৃতিক অনুস্থান অনুস্থিত কৰে ৰঙিয়া আৰক্ষীয়ে (Bike rally by Rangia police)।
তামুলপুৰ: গোৰেশ্বৰ আৰক্ষী থানাৰ পৰাও উলিওৱা হয় বাইক ৰেলী । গোৰেশ্বৰ আৰক্ষী থানাৰ ভাৰপ্ৰাপ্ত আৰক্ষী বিষয়া মৃদুল হাজৰিকাৰ নেতৃত্বত উলিওৱা হয় এই বাইক ৰেলী । ৰেলীত অংশ লয় গোৰেশ্বৰ থানাৰ আৰক্ষী, সুৱাগপুৰ আৰক্ষী চকীৰ আৰক্ষী আৰু গোৰেশ্বৰ থানাৰ এলেকাৰ গাঁওৰক্ষী বাহিনীৰ সদস্যসকলে । গোৰেশ্বৰ থানাৰ পৰা গোৰেশ্বৰ চহৰৰ মাজেৰে মহৰিপাৰা, নাওকাটা, সুৱাগপুৰ হৈ গোৰেশ্বৰ থানাত অন্ত পৰে এই বাইক ৰেলীৰ (Bike rally by Goreswar police) ।
লগতে পঢ়ক: Death Penalty by ULFA I: দুজন যুৱকক আলফা স্বাধীনে মৃত্যুদণ্ডৰ সম্পৰ্কত আৰক্ষীৰ নীৰৱ স্থিতি
