ইণ্টাৰনেশ্যনেল ডেস্ক,1 ফেব্ৰুৱাৰী : আমেৰিকা যুক্তৰাষ্টৰ সচিব এণ্টনি ব্লিকেনে দেওবাৰে ম্যানমাৰ সামৰিক বাহিনীক সকলো চৰকাৰী বিষয়া আৰু অসামৰিক সমাজৰ নেতাক মুকলি কৰিবলৈ আহ্বান জনায় ৷ ইয়াৰ লগতে 2020 চনৰ 8 নৱেম্বৰত গণতান্ত্ৰিক নিৰ্বাচনত প্ৰকাশ কৰা বাৰ্মাৰ জনসাধাৰণৰ আগ্ৰহক সন্মান কৰিবলৈ আহ্বান জনায় ৷
এক বিবৃতিযোগে ব্লিকেনে কয় যে, "আমি বাৰ্মাৰ সামৰিক বাহিনীক সকলো চৰকাৰী বিষয়া আৰু অসামৰিক সমাজৰ নেতাসকলক মুকলি কৰিবলৈ আহ্বান জনাইছো ৷ লগতে 8 নৱেম্বৰত গণতান্ত্ৰিক নিৰ্বাচনত প্ৰকাশ কৰা বাৰ্মাৰ জনসাধাৰণৰ আগ্ৰহক সন্মান কৰিবলৈ আহ্বান জনাইছো ।"
উল্লেখ্য যে, এক অভ্যৰ্থনাত ষ্টেট কাউন্সেলাৰ অং ছান চ্যু কি, ৰাষ্ট্ৰপতি ইউ উইন মাইণ্ট আৰু অন্যান্য জ্যেষ্ঠ বিষয়াসকলক সামৰিক বাহিনীয়ে আটক কৰাৰ কেইঘণ্টামান পাচতে তেওঁলোকক মুক্তি দিয়া সন্দৰ্ভত বহু প্ৰতিক্ৰিয়া আহে ৷
এই ঘটনাৰ ওপৰত উদ্বেগ প্ৰকাশ কৰি ব্লিকেনে কয় যে, "বাৰ্মাৰ সামৰিক বাহিনীয়ে ষ্টেট কাউন্সেলাৰ অং ছান চ্যু কি আৰু অসামৰিক সমাজৰ নেতাকে ধৰি একাধিক অসামৰিক চৰকাৰী বিষয়াক আটক কৰা প্ৰতিবেদন সম্পৰ্কে আমেৰিকা যুক্তৰাষ্ট্ৰই গুৰুতৰ উদ্বেগ আৰু বিপদসংকেত প্ৰকাশ কৰিছে" ।
ইয়াৰোপৰি, তেওঁ সামৰিক বাহিনীক কাৰ্য সলনি কৰিবলৈ পৰামৰ্শ দিয়ে আৰু গণতন্ত্ৰ, স্বাধীনতা, শান্তি আৰু বিকাশৰ বাবে তেওঁলোকৰ আকাংক্ষাত বাৰ্মাৰ লোকসকলক সমৰ্থন কৰে ।
চৰকাৰ আৰু সামৰিক বাহিনীৰ মাজত হোৱা উত্তেজনাৰ পৰিপ্ৰেক্ষিতত ম্যানমাৰৰ নেতাসকলক আটক কৰা হৈছে । দেশখন 2011 চনলৈকে সামৰিক শাসনৰ অধীনত আছিল । সংবাদ মাধ্যমৰ প্ৰতিবেদন অনুসৰি, চ্যু কিয়ে বহু বছৰ গৃহবন্দী হৈ দিন কটাবলগীয়া হৈছিল ৷
অন্যহাতে, ম্যানমাৰৰ সামৰিক বাহিনীয়ে দেশৰ নিয়ন্ত্ৰণ দখল কৰিবলৈ বিচৰা প্ৰতিবেদনত ‘গভীৰ উদ্বেগ’ প্ৰকাশ কৰি অষ্ট্ৰেলিয়াই সোমবাৰে সেনাক আইনৰ শাসনক সন্মান জনাবলৈ আৰু বে-আইনীভাৱে আটক কৰা সকলো অসামৰিক নেতাক মুকলি কৰিবলৈ অনুৰোধ জনায় ৷
ইয়াৰ পূৰ্বে খবৰ পোৱা গৈছিল যে, ম্যানমাৰৰ ৰাজ্যিক পৰামৰ্শদাতা অং চান চ্যু কি, ৰাষ্ট্ৰপতি ইউ উইন মাইণ্ট আৰু অন্যান্য জ্যেষ্ঠ বিষয়াসকলক অভিযানত সামৰিক বাহিনীয়ে আটক কৰিছিল ।
অষ্ট্ৰেলিয়া ম্যানমাৰৰ দীৰ্ঘদিনীয়া সমৰ্থক আৰু ইয়াৰ গণতান্ত্ৰিক পৰিৱৰ্তন বুলি দাবী কৰি পাইনে কয় যে, "আইনৰ শাসনক সন্মান কৰিবলৈ, আইনী প্ৰণালীৰ জৰিয়তে বিবাদ সমাধান কৰিবলৈ আৰু বে-আইনীভাৱে আটক কৰা সকলো অসামৰিক নেতাক মুকলি কৰিবলৈ আমি সামৰিক বাহিনীক আহ্বান জনাইছো" ।
ৰাজ্যৰ ক্ষমতাৰ দিশটো প্ৰতিৰক্ষা সেৱাৰ প্ৰধান কামাণ্ডাৰ ইন চীফ মিন অং হলিঙক হস্তান্তৰ কৰা হৈছে ৷ আনহাতে, ম্যানমাৰৰ প্ৰথম উপ-ৰাষ্ট্ৰপতি মিণ্ট স্ৱেই দেশৰ কাৰ্যকৰী ৰাষ্ট্ৰপতি হিচাপে কাম কৰিব । ৰাজধানী চহৰ নাইপিটাও আৰু আন কিছুমান অঞ্চলত টেলিযোগাযোগ বন্ধ কৰা হৈছে।
লগতে পঢ়ক : নেপালে জলবিদ্যুৎ প্ৰকল্পৰ নিৰ্মাণৰ দায়িত্ব দিছে ভাৰতৰ সতলুজ জলবিদ্যুৎ নিগমক
