কামৰূপ,২৮মে' : অসমলৈ শ্ৰেষ্ঠ চুটি ছবিৰ সন্মান কঢ়িয়াই আনি মঙলবাৰে মাতৃভূমিত উপস্থিত হয় ধৃতিমান কাকতি । ইউৰোপৰ বুডাপেষ্টৰ গদল চহৰত অনুষ্ঠিত হোৱা আন্তঃৰাষ্ট্ৰীয় প্ৰকৃতি বিষয়ক ছবি মহোৎসৱত শ্ৰেষ্ঠ চুটি ছবি হিচাপে স্বীকৃতি লাভ কৰে ধৃতিমান কাকতিৰ 'দ্যা মেন হু স্পিকচ নেচাৰে' । ইউৰোপত আয়োজক সকলৰ নিমন্ত্ৰণ ক্ৰমে এই মহোৎসৱখনিত উপস্থিত হৈ ধৃতিমানে শ্ৰেষ্ঠ চুটি ছবিৰ সন্মান লাভ কৰিবলৈ সক্ষম হয় । বোকাখাতৰ নিবাসী ধৃতিমান কাকতিয়ে বঁটা গ্ৰহণ কৰি মঙলবাৰে বৰঝাৰ বিমানবন্দৰত উপস্থিত হয় । ধৃতিমান উপস্থিত হোৱাৰ লগে-লগে আত্মীয় আৰু শুভকাংক্ষীয়ে আদৰণি জনায় ধৃতিমানক । অসমীয়া ছবি জগতে পৰিৱৰ্তন অনা বুলি মন্তব্য কৰি ধৃতিমানে নিজৰ এই সাফল্যত সুখী বুলি জনাই ৷
মাতৃভূমিত উপস্থিত শ্ৰেষ্ঠ চুটি ছৱিৰ পৰিচালক ধৃতিমান কাকতি
