নিউজ ডেস্ক,৪ জানুৱাৰী : চীনা স্মাৰ্টফোন নিৰ্মাতা জিয়াঅ'মিয়ে (Xiaomi) বৃহস্পতিবাৰে ভাৰতত ৰেডমি নোট ১৩ ছিৰিজ মুকলি কৰে । ছিৰিজটোত তিনিটা মডেল অন্তৰ্ভুক্ত আছে । সেইকেইটা হৈছে ক্ৰমে ৰেডমি নোট ১৩ ৫জি ক্লাছিক, ৰেডমি নোট ১৩ প্ৰ' ৫জি, আৰু ৰেডমি নোট ১৩ প্ৰ' প্লাছ ৫ জি ।
'Xiaomi'য়ে বৃহস্পতিবাৰে এক অনুষ্ঠানত মডেলকেইটা মুকলি কৰে আৰু কোম্পানীটোৰ অফিচিয়েল ইউটিউব চেনেলত লাইভ ষ্ট্ৰীমিঙো কৰা হয় । কোম্পানীটোৱে ৰেডমি নোট ৪জিৰ সৈতে আত্মপ্ৰকাশ কৰাৰ পিচত ভাৰতীয় বজাৰত ইয়াৰ ১০ বছৰ অতিক্ৰম কৰিছে । অনুষ্ঠানটো সম্বোধন কৰি কোম্পানীটোৱে দাবী কৰে যে নতুন ৰেডমি নোট ১৩ প্ৰ' প্লাছ ৫জি কেমেৰাৰ প্ৰদৰ্শন বৰ্তমানৰ ফ্লেগশ্বিপ আইফোন ১৫ প্ৰ' মেক্স আৰু চেমচাঙৰ এছ ২৩ আল্ট্ৰাতকৈও উন্নত ।
মূল্য আৰু প্ৰকাৰসমূহ- ৰেডমি নোট ১৩ প্ৰ' প্লাছ ৫ জি ১০ জানুৱাৰীত পুৱা ১০ বজাত Mi.com, এমআই হোম, ফ্লিপকাৰ্ট আৰু Xiaomi ৰিটেইলত উপলব্ধ হ'ব । স্মাৰ্টফোনবোৰৰ মূল্য ২৯,৯৯৯ ৰ পৰা আৰম্ভ হ'ব । আইচিআইচিআই বেংক কাৰ্ড ব্যৱহাৰ কৰোতাৰ বাবে ২,০০০ টকাৰ বেংক ৰেহাই উপলব্ধ হ'ব ।
২০০ এমপি কেমেৰা- কোম্পানীটোৱে দাবী কৰিছে যে ৰেডমি নোট ১৩ প্ৰ' প্লাছ ৫জিত প্ৰথম 'ট্ৰু' ২০০ মেগাপিক্সেল কেমেৰা আছে । কোম্পানীটোৱে লগতে কৈছে যে কোম্পানীটোৱে কেমেৰাৰ ফটো আৰু ভিডিঅ' প্ৰদৰ্শন উন্নত কৰিবলৈ চেমচাং আৰু মিডিয়াটেকৰ সৈতে কাম কৰিছিল ।
HyperOS স্ক্ৰীণ- ৰেডমিৰ গ্ৰাহকসকলে Xiaomi নতুন হাইপাৰঅ'এছ স্ক্ৰীণৰ বাবে অপেক্ষা কৰি আছিল আৰু ইয়াত সেইটো উপলব্ধ । কোম্পানীটোৱে কৈছে যে ই এটা অপাৰেটিং চিষ্টেম ডিজাইন কৰিব বিচাৰিছিল যি প্ৰায় সকলো ডিভাইচত কাম কৰিব ।
