নেশ্যনেল ডেস্ক,১২ জানুৱাৰী : প্ৰধানমন্ত্ৰী নৰেন্দ্ৰ মোদীয়ে আজি ভাৰতৰ দীৰ্ঘতম সাগৰ সেতু আৰু মুম্বাইৰ বহু প্ৰত্যাশিত নৱসেৱা অটল সেতু উদ্বোধন কৰিব । অৱশ্যে এই উদ্বোধনক লৈ এখন ৰাজনৈতিক নাটক আৰম্ভ হৈছে । শিৱসেনাৰ ঠাকৰে গোটে নিকট সময়ত এই কাৰ্যসূচীৰ বাবে আমন্ত্ৰণ লাভ কৰি অসন্তুষ্টি প্ৰকাশ কৰিছে আৰু শিৱসেনাৰ ঠাকৰে গোটে এই উদ্বোধনী অনুষ্ঠান বৰ্জন কৰিছে ।
প্ৰাপ্ত খবৰ অনুসৰি শুকুৰবাৰে প্ৰধানমন্ত্ৰী নৰেন্দ্ৰ মোদীয়ে অটল সেতু উদ্বোধন কৰিব । এই কাৰ্যসূচী সফল কৰাৰ বাবে ব্যাপক প্ৰস্তুতি চলিছে । অৱশ্যে, শিৱসেনা ঠাকৰে গোটক ১১ জানুৱাৰীলৈকে এই উদ্বোধনী অনুষ্ঠানৰ বাবে আমন্ত্ৰণ জনোৱা হোৱা নাছিল । গোটটোৰ মতে তেওঁলোকক পুৱা এই অনুষ্ঠানলৈ আমন্ত্ৰণ জনোৱা হৈছে ।
সমষ্টি আৰু স্থানীয় বিধায়ক, সাংসদসকলে এদিন পূৰ্বে নিমন্ত্ৰণ লাভ কৰিব বুলি আশা কৰি আছিল । কিন্তু ঠাকৰে গোটে নিকট সময়ত আমন্ত্ৰণ লাভ কৰাত অসন্তুষ্টি প্ৰকাশ কৰিছে আৰু উদ্বোধনী অনুষ্ঠান বৰ্জন কৰিছে ।
লগতে, ঠাকৰে গোটৰ বিধায়ক আৰু সাংসদসকলৰ নাম এই নিমন্ত্ৰণী পত্ৰত লিখা হোৱা নাই । প্ৰটোকল অনুসৰি, কাৰ্যসূচীটো অনুষ্ঠিত হৈ থকা সমষ্টিটোৰ স্থানীয় বিধায়ক আৰু সাংসদসকলৰ নাম নিমন্ত্ৰণী পত্ৰত উল্লেখ কৰা হয় । অৱশ্যে স্থানীয় সাংসদ অৰবিন্দ সাৱন্ত, বিধায়ক অজয় চৌধুৰী, আদিত্য ঠাকৰে, শচীন আহিৰ আৰু সুনীল চিন্দেৰ নাম নিমন্ত্ৰণী পত্ৰত উল্লেখ কৰা হোৱা নাছিল । অৱশ্যে, এই নিমন্ত্ৰণী পত্ৰখনত দুয়োগৰাকী সাংসদ ক্ৰমে সুনীল তাতকাৰে আৰু শ্ৰীৰং বাৰ্ণেৰ নাম লিখা হৈছে । সেয়েহে ঠাকৰে গোটে পোনপটীয়াকৈ এই কাৰ্যসূচী বৰ্জন কৰাৰ সিদ্ধান্ত লৈছে ।
লগতে পঢ়ক :আজি প্ৰধানমন্ত্ৰীয়ে উদ্বোধন কৰিব দেশৰ দীৰ্ঘতম সাগৰীয় দলং
