নিউজ ডেস্ক, ১০ মাৰ্চ : শুকুৰবাৰে পাটিয়ালা হাউছ আদালতত ২০০ কোটি টকাৰ জালিয়াতিৰ গোচৰৰ শুনানিত অংশগ্ৰহণ কৰাৰ পিছত সংবাদ মাধ্যমৰ সৈতে বাৰ্তালাপত প্ৰৱঞ্চক সুকেশ চন্দ্ৰশেখৰে (Conman Sukesh Chandrasekhar) দিল্লীৰ মুখ্যমন্ত্ৰী অৰবিন্দ কেজৰিৱাল (Delhi CM Aravind Kejriwal) আৰু প্ৰাক্তন উপ-মুখ্যমন্ত্ৰী মনীষ চিছোদিয়াক তীব্ৰ সমালোচনা কৰে । প্ৰৱঞ্চকজনে কয় যে তেওঁ ২০১৫ চনৰ পৰা আপৰ মন্ত্ৰীসকলৰ সৈতে জড়িত আছিল আৰু তেওঁলোকৰ গোপনীয়তা জানে । লগতে এইটোও কয় যে তেওঁ দিল্লীৰ আবকাৰী কেলেংকাৰীৰ গোচৰত জড়িতসকলৰ নাম প্ৰকাশ কৰিব ।
চন্দ্ৰশেখৰে কয় যে তেওঁ ইতিমধ্যে এই সন্দৰ্ভত সংশ্লিষ্ট কৰ্তৃপক্ষলৈ পত্ৰ লিখিছে আৰু কৈছে "সত্য ওলাই আহিছে, আৰু ইয়াৰ পিছত আহি আছে অৰবিন্দ কেজৰিৱাল ।" শুকুৰবাৰে সুকেশক দিল্লীৰ আদালতত ধন সৰবৰাহৰ গোচৰত হাজিৰ কৰোৱা হয় । আবকাৰী নীতিৰ গোচৰত (Delhi liquor policy case) জড়িত থকাৰ বিষয়ে সোধাত প্ৰৱঞ্চকজনে কয় যে তেওঁ গোচৰটোত জড়িত সকলোকে উন্মোচিত কৰিব । তেওঁ এইটোও কয় যে কেজৰিৱাল আবকাৰী নীতি কেলেংকাৰীৰ আঁৰৰ মূল ব্যক্তি আৰু তেওঁ সোনকালেই কাৰাগাৰৰ ভিতৰত সোমাব (Kejriwal kingpin behind excise policy scam) । আনহাতে, এয়া তেওঁৰ বিৰুদ্ধে আৰোপ কৰা অভিযোগৰ পৰা মনোযোগ আঁতৰাবলৈ তেওঁ আপ নেতাসকলৰ বিৰুদ্ধে অভিযোগ উত্থাপন কৰিছে নেকি বুলি সোধাত কয়, "এয়া মিছা ।"
ইফালে বৰ্তমান বাতিল কৰা আবকাৰী নীতিত অনিয়মৰ অভিযোগৰ সন্দৰ্ভত চিছোদিয়াক শুকুৰবাৰে দুপৰীয়া ২ বজাত দিল্লীৰ ৰাউজ এভিনিউ আদালতত হাজিৰ কৰোৱা হয় । ৰাউজ এভিনিউ আদালতে ইডিক শুকুৰবাৰে দুপৰীয়া ২ বজাত চিছোডিয়াক আদালতত হাজিৰ কৰিবলৈ অনুমতি দিছিল । চিছোডিয়াক বৃহস্পতিবাৰে ইডিয়ে আবকাৰী নীতিৰ গোচৰত ধন সৰবৰাহৰ গোচৰত গ্ৰেপ্তাৰ কৰে । তিহাৰ কাৰাগাৰত ন্যায়িক জিম্মাৰ সময়তে তেওঁক গ্ৰেপ্তাৰ কৰা হয় ।
বিশেষ ন্যায়াধীশ এম কে নাগপালে শুকুৰবাৰে আদালতত চিছোডিয়াক হাজিৰ কৰাব বিচাৰি ইডিয়ে কৰা আবেদনৰ অনুমতি দিয়ে । আদালতে এইটোও উল্লেখ কৰে যে ইডিয়ে চিছোডিয়াৰ ১০ দিনৰ জিম্মা বিচাৰিছে (Manish Sisodia in ED remand) ।
লগতে পঢ়ক :Sisodiya in ED custody: 17 মাৰ্চলৈকে ইডিৰ জিম্মাত থাকিব মনীষ চিছোদিয়া
