নেশ্যনেল ডেস্ক, 3 জুন : ছত্তীশগড়ৰ চুকমা জিলাত সংঘটিত হয় এক গুলীচালনাৰ ঘটনা ৷ সংবাদ সংস্থা ANI ৰ পৰা লাভ কৰা তথ্য অনুসৰি, শনিবাৰে চুকমা আৰক্ষী আৰু নক্সালবাদীৰ মাজত গুলীয়াগুলী হয় (Police naxalite encounter in sukma) । এই গুলীয়াগুলীত 4 টা নক্সালবাদী আহত হৈছে বুলি দাবী কৰিছে আৰক্ষীয়ে ।
সুকমা আৰক্ষী অধীক্ষকে জনোৱা মতে, এই এনকাউণ্টাৰত আহত নক্সালবাদীকেইটাক তেওঁলোকৰ সহযোগী নক্সালবাদীয়ে উক্ত স্থানৰ পৰা পলুৱাই লৈ যায় (Naxalites injured in police encounter in sukma Chhattisgarh) ৷ বৰ্তমানো আৰক্ষীয়ে উক্ত অঞ্চলটোত অনুসন্ধান অভিযান অব্যাহত ৰাখিছে ।
চুকমাত আৰক্ষীৰ নক্সাল এনকাউণ্টাৰ :
এক গোপন খবৰৰ তথ্যৰ আধাৰত চুকমাত আৰক্ষীয়ে মাৰাইগুডা আৰু ৰেগাডগাটা গাঁৱত মাওবাদীৰ কন্টা এৰিয়া কমিটিৰ সৈতে জড়িত নক্সালবাদী কমাণ্ডাৰ মাংগাডু আৰু তেওঁৰ এটা দলে বাহৰ পাতি আছিল ৷ এই খবৰ লাভ কৰাৰ পাচতে শনিবাৰে উক্ত স্থানত আৰক্ষীয়ে চলায় আভিযান ৷ এই অভিযানতে সুকমা আৰক্ষী আৰু নক্সালবাদীৰ মাজত গুলীয়াগুলী হয় (Police encounter in sukma Chhattisgarh)৷
লগতে পঢ়ক : Manipur violence : মিজোৰামত শৰণাৰ্থীৰ বোজা, মণিপুৰৰ পৰাও যথেষ্ট শৰণাৰ্থীৰ আগমন
ইফালে আৰক্ষী অধীক্ষক কিৰণ চাভানে উল্লেখ কৰা অনুসৰি, এই অভিযানৰ সময়ত প্ৰথমে নক্সালবাদী আৰক্ষীৰ ওপৰত গুলীবৰ্ষণ কৰে ৷ ইয়াৰ পাচতে প্ৰত্যুত্তৰত আৰক্ষীয়েও নক্সালবাদীৰ ওপৰত গুলীচালনা কৰে ৷ এই গুলীচালনাত আহত হয় কেবাটাও নক্সালবাদী গোটৰ সদস্য ৷
অৱশ্যে আৰক্ষীয়ে আটক কৰিবলৈ সক্ষম হোৱা নাই আহত নক্সালবাদী গোটৰ সদস্যকেইটাক ৷ কিয়নো নক্সালবাদীকেইটাই ঘন জংঘলৰ ফালে গতি কৰিছে ৷ ইফালে বৰ্তমানো অঞ্চলটোত অব্যাহত আছে আৰক্ষীৰ তালাচী অভিযান (Chhattisgarh Naxal News) ৷
উল্লেখ্য যে, ছত্তীশগড়ৰ চুকমাত আৰক্ষী আৰু নক্সালবাদীৰ মাজত গুলীচালনাৰ ঘটনা এয়াই প্ৰথম নহয় ৷ চলিত বৰ্ষৰ মে’ মাহতো আৰক্ষী আৰু নক্সালবাদীৰ মাজত গুলীচালনাৰ ঘটনা সংঘটিত হৈছিল ৷
লগতে পঢ়ক : Rajouri encounter : জন্মু-কাশ্মীৰৰ ৰাজৌৰীত গুলীচালনা, নিহত এটা সন্ত্ৰাসবাদী
