নেশ্যনেল ডেস্ক, 7 আগষ্ট : জম্মু-কাশ্মীৰৰ প্ৰাক্তন মুখ্যমন্ত্ৰী তথা ডেম’ক্ৰেটিক প্ৰগ্ৰেছিভ আজাদ পাৰ্টিৰ মুৰব্বী গুলাম নবী আজাদে দেওবাৰে কয় যে 370 অনুচ্ছেদ বাতিলৰ সমৰ্থন কৰাসকল কেন্দ্ৰীয় ভূখণ্ডৰ ইতিহাস আৰু ভূগোলৰ বিষয়ে অজ্ঞাত । 2019 চনৰ 5 আগষ্টত কেন্দ্ৰই 370 নং অনুচ্ছেদৰ অধীনত নিশ্চিত কৰা বিশেষ মৰ্যাদা কাঢ়ি লোৱাৰ আঁৰৰ সাংবিধানিক বৈধতাক প্ৰত্যাহ্বান জনোৱা আবেদনৰ ওপৰত উচ্চতম ন্যায়ালয়ৰ শুনানিৰ মাজতে প্ৰাক্তন মুখ্যমন্ত্ৰীগৰাকীয়ে এই মন্তব্য কৰে ।
চলিত মাহত 370 নং অনুচ্ছেদ বাতিলৰ চতুৰ্থ বৰ্ষপূৰ্তি উপলক্ষে বিজেপিয়ে 370 অনুচ্ছেদ বাতিলৰ পিছত কাশ্মীৰত শান্তি, উন্নয়ন আৰু সমৃদ্ধিৰ নতুন যুগক প্ৰশংসা কৰে । ডোডাত এএনআইৰ সৈতে হোৱা এক সাক্ষাৎকাৰত আজাদে আঞ্চলিক দলসমূহৰ নাম উল্লেখ নকৰাকৈয়ে যিসকলে 370 নং অনুচ্ছেদৰ সমৰ্থন জনায় আছে তেওঁলোকে স্থলভাগৰ পৰিস্থিতিৰ লগতে জম্মু-কাশ্মীৰৰ ইতিহাস আৰু ভূগোলৰ বিষয়ে অজ্ঞাত বুলি কটাক্ষ কৰে ।
370 নং অনুচ্ছেদটো কোনো বিশেষ অঞ্চল, প্ৰদেশ বা ধৰ্মক উদ্দেশ্য কৰা হোৱা নাছিল যদিও সকলোৰে বাবে সমানে উপকাৰী বুলি বিবেচিত হৈছিল বুলি উল্লেখ কৰি কংগ্ৰেছৰ প্ৰাক্তন নেতাগৰাকীয়ে কয় যে উচ্চতম ন্যায়ালয়ৰ ওপৰত মোৰ সম্পূৰ্ণ বিশ্বাস আছে । মই বিশ্বাস কৰোঁ যে ই 370 অনুচ্ছেদ বাতিলৰ সকলো দিশ চালি জাৰি চোৱা হ’ব ।
ইয়াৰ পূৰ্বে বিজেপিয়ে এক আনুষ্ঠানিক বিবৃতিত কয় যে, “370 অনুচ্ছেদ বাতিলৰ ফলত জম্মু-কাশ্মীৰত শান্তি, উন্নয়ন, আৰু সমৃদ্ধি ঘূৰি আহিছে ।” 370 অনুচ্ছেদ বাতিলৰ চতুৰ্থ বৰ্ষপূৰ্তি উপলক্ষে 5 আগষ্টত প্ৰাক্তন মুখ্যমন্ত্ৰী তথা পিপলছ ডেম’ক্ৰেটিক পাৰ্টিৰ মুৰব্বী মেহবুবা মুফতিয়ে দাবী কৰিছিল যে তেওঁৰ লগতে দলৰ অন্যান্য জ্যেষ্ঠ নেতাক “গৃহবন্দী” কৰা হৈছে ।
ভাৰতৰ মুখ্য ন্যায়াধীশ ডি ৱাই চন্দ্ৰচুড়ৰ নেতৃত্বত উচ্চতম ন্যায়ালয়ৰ পাঁচজনীয়া সংবিধান বিচাৰপীঠে পূর্বৰ এটা শুনানিৰ সময়ত প্রশ্ন কৰিছিল যে, “সংবিধানত অস্থায়ী হিচাপে বিশেষভাৱে উল্লেখ কৰা এটা ব্যৱস্থা (370) কেনেকৈ স্থায়ী হ’ব পাৰে ৷” 1957 চনত জম্মু-কাশ্মীৰ সংবিধান সভাৰ কাৰ্যকালৰ অন্ত পৰাৰ পিছত ?"
লগতে পঢ়ক : AICC on Bhupen Borah: সভাপতি সলনি নহয়; ভূপেন বৰাৰ প্ৰতি কংগ্ৰেছৰ সম্পূর্ণ আস্থা আছে; জিতেন্দ্ৰ সিং
