নেশ্যনেল ডেস্ক, ৩১ মাৰ্চ: ভাৰতত পুনৰ বৃদ্ধি পাইছে কৰ'ণা মহামাৰীৰ সংক্ৰমণ । দেশত নতুনকৈ ৫৩,৪৮০ জন লোক মহামাৰীত আক্ৰান্ত হৈছে । এতিয়ালৈকে ক’ভিড 19ত আক্ৰান্ত হৈছে মুঠ ১,২১,৪৯,৩৩৫ জন লোক । কেন্দ্ৰীয় স্বাস্থ্য মন্ত্ৰালয়ে বুধবাৰে প্ৰকাশ কৰা তথ্য অনুসৰি, ২৪ ঘণ্টাত দেশত ৩৫৪ জন লোকে মহমাৰীৰ কবলত পৰি প্ৰাণ হেৰুৱাইছে । নতুনকৈ মৃত্যু হোৱা ৰোগীসহ বৰ্তমানলৈকে দেশত ১,৬২,৪৬৮ জন লোকৰ মৃত্যু হৈছে ।
বিগত বৰ্ষৰ ১৭ ডিচেম্বৰত ৩৫৫ জন লোকে প্ৰাণ হেৰুৱাইছিল । আনহাতে, ভাৰতত এতিয়ালৈকে ১,১৪,৩৪,৩০১ গৰাকী লোক আৰোগ্য হৈ উঠিছে । আৰোগ্যৰ হাৰ ৯৪.১১ শতাংশলৈ হ্ৰাস পাইছে । বৰ্তমান দেশত ৫,৫২,৫৬৬টা আক্ৰান্তৰ ঘটনা সক্ৰিয় হৈ আছে ।
উল্লেখ্য যে, বিগত বৰ্ষৰ ৭ আগষ্টত ভাৰতত ক’ভিড 19ত আক্ৰান্তৰ সংখ্যাই ২০ লাখ, ২৩ আগষ্টত ৩০ লাখ, ৫ ছেপ্টেম্বৰত ৪০ লাখ, ২৮ ছেপ্টেম্বৰত ৬০ লাখ, ১১ অক্টোবৰত ৭০ লাখ, ২০ নৱেম্বৰত ৯০ লাখ আৰু ১৯ ডিচেম্বৰত ১ কোটিৰ ঘৰ অতিক্ৰম কৰে ।
ইণ্ডিয়ান কাউন্সিল অৱ মেডিকেল ৰিচাৰ্চে প্ৰকাশ কৰা তথ্য মতে, যোৱা ৩০ মাৰ্চলৈকে দেশত ২৪,৩৬,৭২,৯৪০টা নমুনাৰ পৰীক্ষণ সম্পন্ন হৈছে । মঙলবাৰে ১০,২২,৯১৫ জন লোকৰ নমুনা পৰীক্ষা কৰা হয় ।
লগতে পঢ়ক:আই আই এম আহমেদাবাদত কৰ’ণা সংক্ৰমণ বৃদ্ধি
