নিউজ ডেস্ক, 7 অক্টোবৰ: উত্তৰ প্ৰদেশৰ আলিগড় মুছলমান বিশ্ববিদ্যালয়ত পোহৰলৈ আহিছে হিন্দু ছাত্ৰক মানসিক নিৰ্যাতন চলোৱা এক ঘটনা(Mental harassment of Hindu student in AMU) । এটা বিশেষ সম্প্ৰদায়ৰ ছাত্ৰই এজন হিন্দু ছাত্ৰক বন্দুক দেখুৱাই পাকিস্তান জিন্দাবাদ শ্লোগান দিবলৈ বাধ্য কৰোৱাৰ অভিযোগ উত্থাপিত হৈছে(AMU Pakistan Zindabad slogan controversy) ৷ ভুক্তভোগী ছাত্ৰগৰাকীয়ে তেওঁৰ ভগ্নীক হিজাব পিন্ধাৰ বাবে ভাবুকি দিয়াৰো দাবী কৰে ৷
ছাত্ৰজনে উল্লেখ কৰা অনুসৰি, এবছৰ পূৰ্বেও অভিযুক্ত ছাত্ৰজনে হিন্দু যুৱতীক হিজাব পিন্ধোৱাৰ ভাবুকি দিছিল । কিন্তু ইয়াৰ প্ৰতিবাদ কৰাত ছাত্ৰজনক প্ৰহাৰ কৰা হয় বুলি জানিব পৰা হৈছে । একে সময়তে প্ৰক্টৰ ৱাছিম আলীৰ ওপৰত কেৱল আক্ৰমণৰ কাণ্ডটোৰ ওপৰতহে অভিযোগ দাখিল কৰাৰ বাবে হেঁচা প্ৰয়োগ কৰা হৈছিল ৷ অৱশ্যে আৰক্ষীয়ে দুয়োপক্ষৰ হৈ গোচৰ ৰুজু কৰিছে ।
দৰাচলতে বৃহস্পতিবাৰে সন্ধিয়া থানা চিভিল লাইন আৰক্ষীয়ে(Thana Civil Line Police) দুখন এজাহাৰ লাভ কৰিছিল, য’ত বুলেন্দচহৰ কৰ্ণৱাছৰ বাসিন্দা আলিগড় মুছলমান বিশ্ববিদ্যালয়ৰ ছাত্ৰ চাহিল কুমাৰৰ হৈ গোচৰ ৰুজু কৰা হৈছিল । চাহিলে আলিগড় মুছলমান বিশ্ববিদ্যালয়ৰ পৰা এম টেক কৰি আছে আৰু নাদেমাত্ৰিন হলত থাকে ।
চাহিলে অভিযোগ কৰিছে যে, ৩ অক্টোবৰত তেওঁ কামৰ বাবে বন্ধুৰ লগত চুলেমান হললৈ গৈছিল । তাৰ পিছত তাত BARC ৰ ছাত্ৰ ৰহবৰ দানীশ আৰু মিছবাহে তেওঁলোকক ঘেৰাও কৰি প্ৰহাৰ কৰে । ইয়াৰ লগতে তেওঁ বন্দুকেৰে মূৰত আঘাত কৰে ৷ এই ঘটনাত তেওঁ আঘাতপ্ৰাপ্ত হয় আৰু চিকিৎসাৰ বাবে জে এন মেডিকেল কলেজত চিকিৎসা কৰিবলগীয়া হয় ।
লগতে পঢ়ক : কাৰাগাৰৰ ভিতৰৰ ড্ৰাগছৰ বিশাল চক্ৰ ফাদিল: ড্ৰাগছসহ আটক দুই
