আগৰতলা, ৮ আগষ্ট : বিজেপিৰ 'হৰ ঘৰ ত্ৰিৰংগা' অভিযানৰ বিৰুদ্ধে সৰৱ হৈছে ত্ৰিপুৰাৰ প্ৰাক্তন মুখ্যমন্ত্ৰী তথা বিৰোধী দলৰ নেতা মানিক সৰকাৰ (Former Tripura Chief Minister Manik Sarkar)। সোমবাৰে শাসনাধিষ্ঠিত বিজেপিক তেওঁলোকৰ 'হৰ ঘৰ ত্ৰিৰংগা' অভিযানৰ সমালোচনা কৰি তেওঁ কয় যে, ভাৰতৰ স্বাধীনতা আন্দোলনৰ সময়ত বিজেপিৰ কোনো ভূমিকা নাছিল ৷ ভাৰতীয় ছাত্ৰ ফেডাৰেচনে (Student Federation of India) আয়োজন কৰা ৰক্তদান শিবিৰত অংশ গ্ৰহণ কৰি প্ৰাক্তন মুখ্যমন্ত্ৰী সৰকাৰ কয় যে বিজেপিয়ে ইতিহাস সলনি কৰিবলৈ চেষ্টা কৰি আছে ।
এই অভিযানৰ বিৰুদ্ধে সৰব হৈ প্ৰাক্তন মুখ্যমন্ত্ৰী সৰকাৰ কয়,‘‘আজিৰ দিনটো এক গুৰুত্বপূৰ্ণ দিন । ১৯৪২ চনৰ ৮ আগষ্টত অল ইণ্ডিয়া কংগ্ৰেছ কমিটীয়ে তেতিয়াৰ বোম্বাইত এখন সন্মিলন অনুষ্ঠিত কৰিছিল য'ত মহাত্মা গান্ধীয়ে কৈছিল যে, ব্ৰিটিছে ভাৰত ত্যাগ কৰিব লাগিব (All India Congress Committee)।তেতিয়াৰ পৰাই কংগ্ৰেছে ব্ৰিটিছৰ বিৰুদ্ধে মাত মাতিছে । অৱশ্যে ১৯২১ চনত গোৱাত চিপিআইএমে কংগ্ৰেছৰ এখন সন্মিলনৰ সময়ত এক বৃহৎ আন্দোলনৰ জৰিয়তে সম্পূৰ্ণ স্বাধীনতা দাবী কৰিছিল । কৃষক,লোক আৰু চিপিআইএমৰ তেতিয়াৰ ছাত্ৰ ফেডাৰেচনে স্বাধীনতাৰ বাবে কাম কৰিছিল আৰু যুঁজ দিছিল ।’’
এই ক্ষেত্ৰত বিজেপিৰ কোনো ভূমিকা নাছিল বুলি উল্লেখ কৰি তেওঁ পুনৰ কয়,"এতিয়া যিসকলে দেশ শাসন কৰি আছে তেওঁলোকৰ স্বাধীনতা যুঁজত কোনো ভূমিকা নাছিল । তেওঁলোকে ভাৰতৰ লোকসকলক বিশ্বাসঘাতকতা কৰিছিল আৰু ব্ৰিটিছসকলক সহায় কৰিছিল । তেওঁলোকে 'হৰ ঘৰ ত্ৰিৰংগা' নামৰ এটা অনুষ্ঠান আৰম্ভ কৰিছে । কিন্তু আশ্চৰ্যজনকভাৱে তেওঁলোকে ভাৰতীয় জাতীয় পতাকা গ্ৰহণ কৰা নাই(Har Ghar Tiranga)।’’
তেওঁ লগতে দাবী কৰে যে ২০০০ চনত বিজেপি বা ইয়াৰ আন শাখাই কেন্দ্ৰত শাসনত থাকোতে প্ৰথমে এই ৰাষ্ট্ৰীয় পতাকা উত্তোলন কৰিছিল । এতিয়া তেওঁলোকে 'হৰ ঘৰ ত্ৰিৰংগা' বুলি কৈছে যদিও তেওঁলোকে 'ৰাষ্ট্ৰীয় পতাকা' শব্দটো ব্যৱহাৰ কৰা নাই । ইয়াৰ আঁৰত এটা উদ্দেশ্য থাকিব লাগিব । তেওঁলোকে বুজি পাইছে যে, তেওঁলোকে মাটি হেৰুৱাইছে । মানুহৰ বিশ্বাস হেৰুৱাইছে বাবে তেওঁলোকে এতিয়া ইতিহাসক এক নতুন ধৰণে পুনৰ সঠিক কৰিবলৈ চেষ্টা কৰি আছে বুলি চিপিআইএমৰ প্ৰবীণ নেতাগৰাকীয়ে কয় ।
লগতে পঢ়ক:Sanjay Raut to 14 day judicial: সঞ্জয় ৰাউটক ১৪ দিনৰ ন্যায়িক জিম্মালৈ প্ৰেৰণ
