নিউজ ডেস্ক, ১১ ছেপ্টেম্বৰ : দেৱালীৰ সময়ত দিল্লীত আতচবাজীৰ ওপৰত সম্পূৰ্ণ নিষেধাজ্ঞা থাকিব । দিল্লীৰ পৰিৱেশ মন্ত্ৰী গোপাল ৰায়ে সোমবাৰে এক সংবাদমেলত কয় যে এতিয়াৰে পৰা আতচবাজীৰ উৎপাদন, মজুত আৰু বিক্ৰী নিষিদ্ধ কৰা হৈছে । গোপাল ৰায়ে দিল্লী আৰক্ষীকো আতচবাজী উৎপাদন, সংৰক্ষণ, বিক্ৰী আৰু বিতৰণৰ বাবে কাকো অনুজ্ঞা-পত্ৰ নিদিবলৈও নিৰ্দেশ দিছে ।
গোপাল ৰায়ে কয় যে জনসাধাৰণৰ সজাগতা আৰু দিল্লী চৰকাৰৰ নিৰন্তৰ প্ৰয়াসৰ বাবে দিল্লীত ক্ৰমান্বয়ে প্ৰদূষণ কমি আহিছে । কিন্তু প্ৰদূষণৰ ওপৰত এতিয়াও কাম কৰিবলগা আছে বুলি উল্লেখ কৰি তেওঁ কয় যে প্ৰদূষণ সকলোৰে স্বাস্থ্যৰ বাবে অত্যন্ত মাৰাত্মক । তেওঁ কয় যে আতচবাজী জ্বলোৱাৰ ফলত যথেষ্ট প্ৰদূষণ হয়, সেয়েহে ৰাষ্ট্ৰীয় সেউজ ন্যায়াধীকৰণৰ নিয়ম অনুসৰি দিল্লীত আতচবাজী উৎপাদন, মজুত আৰু বিক্ৰী নিষিদ্ধ কৰা হৈছে ।
-
Hon'ble Environment Minister @AapKaGopalRai briefing the media on an important issue | LIVE https://t.co/yYxEvtd10N
— Aam Aadmi Party Delhi (@AAPDelhi) September 11, 2023 " class="align-text-top noRightClick twitterSection" data="
">Hon'ble Environment Minister @AapKaGopalRai briefing the media on an important issue | LIVE https://t.co/yYxEvtd10N
— Aam Aadmi Party Delhi (@AAPDelhi) September 11, 2023Hon'ble Environment Minister @AapKaGopalRai briefing the media on an important issue | LIVE https://t.co/yYxEvtd10N
— Aam Aadmi Party Delhi (@AAPDelhi) September 11, 2023
দিল্লী আৰক্ষীয়ে কাকো অনুজ্ঞা-পত্ৰ দিব নালাগে
পৰিৱেশ মন্ত্ৰী গোপাল ৰায়ে কয় যে দিল্লী আৰক্ষীয়ে জনসাধাৰণক আতচবাজী উৎপাদন, বিক্ৰী আৰু সংৰক্ষণৰ অনুজ্ঞা-পত্ৰ দিয়ে । পৰিৱেশক সংৰক্ষণ কৰাৰ বাবে দিল্লী আৰক্ষীক কাকো আতচবাজী উৎপাদন, সংৰক্ষণ বা বিতৰণ কৰাৰ অনুজ্ঞা-পত্ৰ নিদিবলৈ নিৰ্দেশ দিয়া হৈছে, যাতে দিল্লীক প্ৰদূষণমুক্ত কৰিব পাৰি । আন ৰাজ্যসমূহকো আতচবাজী নিষিদ্ধ কৰিবলৈ আবেদন জনাইছে ।
পৰিৱেশ মন্ত্ৰী গোপাল ৰায়ে কয় যে আন ৰাজ্যৰ আতচবাজীয়েও দিল্লীলৈ প্ৰদূষণ মাতি আনিছে । আন ৰাজ্যবোৰেও আতচবাজী নিষিদ্ধ কৰিব লাগে । তেওঁ কয়, দেৱালীত আতচবাজী জ্বলোৱাটো মানুহৰ বিশ্বাসৰ সৈতে সম্পৰ্কিত, কিন্তু স্বাস্থ্যও অতি গুৰুত্বপূৰ্ণ । দিল্লীৰ জনসাধাৰণ এই বিষয়ত সজাগ হৈ উঠিছে । যাৰ ফলত দিল্লীত প্ৰদূষণ নিৰন্তৰ হ্ৰাস পাই আহিছে ।
দিল্লীৰ পৰিৱেশ মন্ত্ৰী গোপাল ৰায়ে কয় যে প্ৰদূষণ প্ৰতিৰোধৰ বাবে বিশেষজ্ঞসকলক সাক্ষাৎ কৰি ১২ ছেপ্টেম্বৰত শীতকালীন কাৰ্যপৰিকল্পনা প্ৰস্তুত কৰা হ'ব । এই পৰিকল্পনা মুখ্যমন্ত্ৰী অৰবিন্দ কেজৰিৱালৰ ওচৰত উপস্থাপন কৰা হ'ব । তাৰ পিছত পৰিকল্পনাটো দিল্লীত কাৰ্যকৰী কৰা হ'ব ।
লগতে পঢ়ক :Pigeons killed : পুৰণি শত্ৰুতাৰ বাবে ২৩ টাকৈ পাৰ চৰাই নিধন কৰিলে দুৰ্বৃত্তই
