নেশ্যনেল ডেস্ক, ১১ জানুৱাৰী : আকৌ চৰ্চাত ধন সৰবৰাহৰ গোচৰ ৷ ধন সৰবৰাহৰ গোচৰত এইবাৰ নাম সাঙোৰ খাইছে নেচনেল কনফাৰেন্সৰ সভাপতি ফাৰুক আব্দুল্লাৰ ৷ চৰকাৰী সূত্ৰই জনোৱা অনুসৰি, বৃহস্পতিবাৰে বলবৎকাৰী সঞ্চালকালয়ে নেচনেল কনফাৰেন্সৰ সভাপতি ফাৰুক আব্দুল্লাক ধন সৰবৰাহৰ গোচৰত সোধ-পোছ কৰাৰ বাবে মাতি পঠিয়াইছে ।
৮৬ বছৰীয়া ৰাজনীতিবিদগৰাকীক জম্মু-কাশ্মীৰ ক্ৰিকেট এছ’চিয়েশ্যন (JKCA)ত সংঘটিত হোৱা এক অভিযোগৰ ভিত্তিত ফেডাৰেল এজেন্সীৰ তদন্তৰ বাবে চমন জাৰী কৰা বুলি জানিব পৰা গৈছে ।
শ্ৰীনগৰ লোকসভাৰ বৰ্তমানৰ ৮৬ বছৰীয়া সাংসদগৰাকীক ২০২২ চনতে বলবৎকাৰী সঞ্চালকালয়ে (ED) অভিযোগনামা দাখিল কৰিছিল । তেওঁৰ বিৰুদ্ধে অভিযোগ আছিল যে জম্মু-কাশ্মীৰ ক্ৰিকেট সন্থাৰ লগত জড়িত ধন বিভিন্ন ব্যক্তিগত বেংক একাউণ্টলৈ ট্ৰেন্সফাৰ কৰা ৷
ইডিয়ে উল্লেখ কৰা অনুসৰি, জম্মু-কাশ্মীৰ ক্ৰিকেট সন্থাৰ বিষয়াসকলকে ধৰি আৰু সন্থাৰ বেংক একাউণ্টৰ পৰা অস্পষ্টভাৱে নগদ ধন উলিওৱাৰ সৈতে জড়িত আছিল ফাৰুক আব্দুল্লা ৷ তাৰ পাচত একেজন অভিযুক্তৰ বিৰুদ্ধে ২০১৮ চনত কেন্দ্ৰীয় তদন্ত ব্যুৰো (CBI)ই দাখিল কৰে এক চাৰ্জশ্বীট ৷ সেই চাৰ্জশ্বীটৰ ভিত্তিত সংস্থাটোৱে দাখিল কৰে এই গোচৰ । ইতিমধ্যে জম্মু-কাশ্মীৰৰ প্ৰাক্তন মুখ্যমন্ত্ৰী আব্দুল্লাক শ্ৰীনগৰৰ ইডি কাৰ্যালয়ৰ পৰা সাংসদ পদৰ পৰা পদচ্যুত কৰিবলৈ নিৰ্দেশ দিয়া হৈছে ।
আনহাতে, ভিভো ইণ্ডিয়াৰ অন্তৰ্ৱৰ্তীকালীন মুখ্য কাৰ্যবাহী বিষয়া হং ছুকুয়ান ওৰফে টেৰীকে ধৰি তিনিজন অভিযুক্তক দিল্লী উচ্চ ন্যায়ালয়ে জাননী জাৰি কৰিছে । পূৰ্বৰ প্ৰতিবেদনত এই সন্দৰ্ভত প্ৰকাশ পাইছিল আমাৰ প্ৰতিবেদন ৷ এই গোচৰটোৰ পৰৱৰ্তী শুনানি ১১ জানুৱাৰী অৰ্থাৎ আজি হ'ব ৷
লগতে পঢ়ক : বৰতাল বজাই আজি নিৰ্বাচনী ৰণডংকা বজালে জে পি নাড্ডাই : ভৱেশ কলিতা
