আগৰতলা,১ মে' : নিচা জাতীয় দ্ৰব্যৰ বিৰুদ্ধে ত্ৰিপুৰা আৰক্ষীৰ অভিযান অব্যাহত আছে (Tripura police raid against narcotics)। তেনে এক অভিযানৰ মাজতে আগৰতলা ৰে'ল ষ্টেচনত জব্দ বৃহৎ পৰিমাণৰ নিচা জাতীয় কফ চিৰাপৰ বটল (Cough syrup bottles seized at Agartala railway station)। অসমৰ শিলচৰৰ পৰা আগৰতলা অভিমুখী ৰে'লখনত ত্ৰিপুৰা আৰক্ষী, ৰে'লৱে আৰক্ষী আৰু এণ্টি নাৰ্ক'টিক্স দলৰ যুটীয়া অভিযানত জব্দ এই কফ চিৰাপৰ বটলখিনি ।
আমতালী মহকুমা আৰক্ষী বিষয়া আশীষ দাসগুপ্তাই জনোৱা মতে এক গোপন সূত্ৰৰ খবৰৰ ভিত্তিত দলটোৱে ৰে'লখনত অভিযান চলাইছিল । তেওঁ উল্লেখ কৰা মতে পুৱা ৰে'লখনৰ পাৰ্চেল ডবাৰ পৰা আনলোড কৰাৰ সময়তে আৰক্ষীয়ে নিষিদ্ধ সামগ্ৰীখিনি জব্দ কৰিবলৈ সক্ষম হয় । আৰক্ষীয়ে জনোৱা মতে প্ৰায় ৫৪ কাৰ্টন জব্দ কৰা হৈছে য'ত ৩০,০০০ তকৈও অধিক কফ চিৰাপৰ বটল ৰখা হৈছিল (Huge amount of contraband items seized at Agartala)। প্ৰতিটো কাৰ্টনত প্ৰায় ৩২০ টাকৈ কফ চিৰাপৰ বটল আছে ।
দাসগুপ্তাই জনোৱা মতে ঘটনা সন্দৰ্ভত এটা গোচৰ ৰুজু কৰি আৰক্ষীয়ে তদন্ত আৰম্ভ কৰিছে । নিষিদ্ধ সামগ্ৰীখিনিৰ মূল্য প্ৰায় ১ লাখ টকা হ'ব বুলি জানিব পৰা গৈছে । অৱশ্যে এই নিষিদ্ধ সামগ্ৰীৰ সৈতে কোনো লোকক গ্ৰেপ্তাৰ কৰা হোৱা নাই ।
লগতে পঢ়ক :ডিগবৈৰ ভীমপথাৰত উদ্ধাৰ সন্দেহজনক বিস্ফোৰক সামগ্ৰী
