নেশ্যনেল ডেস্ক, ২০ মাৰ্চ : দিল্লীৰ আবকাৰী নীতি কেলেংকাৰী গোচৰৰ অন্যতম অভিযুক্ত তেলেংগানাৰ এমএলচি কালভাকুন্তলা কবিতা দ্বিতীয়বাৰৰ বাবে ইডিৰ জেৰাৰ সন্মুখীন হয় (BRS leader Kavitha reaches ED office)। তেলেংগানাৰ মুখ্যমন্ত্ৰীৰ কন্যা কবিতাই জাননীৰ ৪ দিনৰ অন্তত দিল্লীস্থিত ইডিৰ কাৰ্যালয়ত উপস্থিত হয় । এমএলচি কবিতাৰ সৈতে তেওঁৰ স্বামী অনিল, অধিবক্তা ভাৰত আৰু তেলেংগানা ৰাজ্যৰ পৰ্যটন মন্ত্ৰী শ্ৰীনিবাস গৌড়ো ইডিৰ কাৰ্যালয়ত উপস্থিত হয় ।
উল্লেখ্য যে, জেৰাৰ বাবে ইডিয়ে জাৰি কৰা জাননীৰ বিৰুদ্ধে বিআৰএছ এমএলচি কবিতা উচ্চতম ন্যায়ালয়ৰ কাষ চাপিছিল । এগৰাকী মহিলাক সোধা-পোছাৰ বাবে ইডিৰ কাৰ্যালয়লৈ মাতি অনাত আপত্তি দৰ্শাই এখন আবেদন দাখিল কৰিছিল কবিতাই । মুখ্য ন্যায়াধীশৰ নেতৃত্বত বিচাৰপীঠে তেওঁৰ আবেদনৰ শুনানিৰ বাবে গ্ৰহণ কৰিছিল । কিন্তু বিচাৰপীঠে অন্তৱৰ্তীকালীন আদেশ দিবলৈ আৰু তৎক্ষণাৎ অনুসন্ধান কৰিবলৈ আগ্ৰহী নাছিল । একেদৰে, আদালতে স্পষ্ট কৰি দিছে যে তেওঁলোকে এই মাহৰ ২৪ তাৰিখে যুক্তি শুনিব ।
এই সন্দৰ্ভত, কবিতাই এই মাহৰ ১৬ তাৰিখে ইডিৰ শুনানিত উপস্থিত নাছিল কিয়নো আৱেদনখন উচ্চতম ন্যায়ালয়ত বিচাৰাধীন হৈ আছে । উচ্চতম ন্যায়ালয়ৰ ৰায়ৰ পূৰ্বে ব্যক্তিগতভাৱে শুনানিত উপস্থিত থাকিবলৈ ইডিয়ে আকৌ এবাৰ এমএলচি কবিতাক জাননী জাৰি কৰিছে । এই নিৰ্দেশত, কবিতাই সোমবাৰে শুনানিত অংশগ্ৰহণ কৰিছে ।
উল্লেখ্য যে, ১১ মাৰ্চত বিআৰএছ এমএলচি কে কবিতাক ED য়ে ৯ ঘণ্টা ধৰি জেৰা কৰিছিল (ED interrogates Kavita)। জেৰাৰ সময়ত হায়দৰাবাদৰ ব্যৱসায়ী অৰুণ ৰামচন্দ্ৰনে দিয়া এক বিবৃতিৰ সন্মুখীন হৈছিল নেতাগৰাকী । সংস্থাটোৱে অৰুণ ৰামচন্দ্ৰনক এমএলচি কে কবিতাৰ হৈ বেআইনীভাৱে কাম কৰাৰ অভিযোগ কৰিছিল । ইফালে ব্যৱসায়ী অৰুণ ৰামচন্দ্ৰনক বিধি বলবৎকাৰী সংস্থাই ইতিমধ্যে গ্ৰেপ্তাৰ কৰিছে (Kavitha beneficiary of kickbacks in liquor scam) ৷ ইফালে তেলেংগানাৰ এমএলচিক ইডিয়ে জেৰা চলোৱাক লৈ ৰাজ্যজুৰি প্ৰতিক্ৰিয়া অব্যাহত আছে । বিআৰএছ নেতা-কৰ্মীসকলে ৰাজ্যজুৰি ইডি আৰু কেন্দ্ৰীয় চৰকাৰৰ বিৰুদ্ধে প্ৰতিবাদো অব্যাহত ৰাখিছে ।
লগতে পঢ়ক :Kavitha to appear before ED today: আজি দ্বিতীয়বাৰৰ বাবে EDৰ জেৰাৰ সন্মুখীন হ’ব কে কবিতা
