নেশ্যনেল ডেস্ক,13 নৱেম্বৰঃ বৃহস্পতিবাৰে যুৱতীগৰাকী দুৰ্ঘটনাক্ৰমে চলন্ত ৰেলৰ পৰা টুংগা নদীত পৰি যায়৷ সাহানা নামৰ যুৱতীগৰাকী যেতিয়া উপনগৰীয় ৰেলেৰে বেংগালুৰুৰ পৰা শিমোগা অভিমুখে গৈ আছিল সেই সময়তে সংঘটিত হয় এই ঘটনা ৷
সাহানাই দুৱাৰৰ কাষত ৰৈ ফোনত কথা পাতি আছিল দুৰ্ঘটনাৰ সময়ত ৷ ৰেলৰ পৰা টুংগা নদীত পৰা পিচত ৰেলখনৰ যাত্ৰীসকলে এই সম্পৰ্কত ৰেল আৰক্ষীত জনায়, কিন্তু তেতিয়ালৈ ৰেলখন টুংগা নদীৰ দলং পাৰ বহু দূৰ পাইছিলগৈ ৷
উল্লেখ্য যে, এই ঘটনা সংঘটিত হোৱা স্থানৰ পৰা গন্তব্যস্থললৈ মাত্ৰ এক কিলোমিটাৰ বাটহে বাকী আছিল ৷ যুৱতীগৰাকীৰ পিতৃয়ে কন্যাক আগবঢ়াই নিবলৈ ষ্টেচনত ৰৈ আছিল যদিও কন্যা গৈ গন্তব্যস্থল নাপালেগৈ ৷ ইতিমধ্যে যুৱতীগৰাকীৰ সন্ধানত স্থানীয় প্ৰশাসন তথা উদ্ধাৰকাৰী দলে অনুসন্ধান অব্যাহত ৰাখিছে যদিও যুৱতীগৰাকীৰ সন্ধান লাভ কৰা নাই উদ্ধাৰকাৰী দলে ৷
লগতে চাওকঃ আজিৰ দিনটোৰ কেইটামান বিশেষ কাৰ্যসূচী থোৰতে
