নিউজ ডেস্ক, ৭ জুনঃ বিগত বহু দিন ধৰি ৰাজধানী দিল্লীত হোৱা অসহ্যকৰ গৰমৰ পাচতে দেওবাৰে এজাক মুষলধাৰ বৰষুণে ধুৱাই নিয়ে দিল্লীৰ বিভিন্ন অঞ্চল । বৰষুণৰ পাচতে ৰাজপথলৈ ওলাই আহি পৰিৱেশ উপভোগ কৰে দিল্লীবাসীয়ে । আনহাতে, ভাৰতৰ বতৰ বিজ্ঞান তথ্য অনুসৰি, আগন্তুক 24 ঘণ্টাত দিল্লীৰ দাঁতিকাষৰীয়া অঞ্চলসমূহত বৰষুণ হোৱাৰ সম্ভৱনা আছে বুলি প্ৰকাশ কৰে ।
দিল্লী-এনচিআৰত প্ৰতি ঘণ্টাত 40-50 কিলোমিটাৰ গতিত বতাহ, ধুমুহা আৰু বৰষুণ হোৱা সম্ভৱনা আছে বুলি সদৰী কৰে । লগতে দিল্লী-এনচিআৰত আগন্তুক কেইদিনমান পৰ্যন্ত এই বতৰ থাকিব বুলি সদৰী কৰে বতৰ বিজ্ঞান বিভাগে ।
