নিউজ ডেস্ক, ২৩ মে': অন্ধ্ৰপ্ৰেদশত সংঘটিত হৈছে এক চাঞ্চল্যকৰ চুৰি ঘটনা । বাইক অথবা এটিএম নহয় বাছ চুৰি কৰি নিয়াৰ চেষ্টা চোৰৰ । সম্প্ৰতি ছ'চিয়েল মিডিয়াত ভাইৰেল হৈ পৰিছে বাছ চুৰি কাণ্ডৰ সম্পূৰ্ণ ভিডিঅ' । অন্ধ্ৰপ্ৰদেশৰ অনন্তপুৰ জিলাত সংঘটিত হৈছে এই চাঞ্চল্যকৰ বাছ চুৰি কাণ্ডৰ ঘটনাটো ।
অন্ধ্ৰপ্ৰদেশত বাছ চুৰি কাৰ্য
ৰোড ট্ৰান্সপৰ্ট কৰ্পোৰেচনৰ বাছ ষ্টপৰ পৰা বাছ চুৰি কৰি নিছিল ধৃত চোৰে । পিচত আৰক্ষীয়ে হাতে-লুটে ধৰিবলৈ সক্ষম হয় চোৰটোক । ভাইৰেল হৈ পৰা ভিডিঅ'টোত মামিল্লাপাল্লি ৰাষ্ট্ৰীয় ঘাইপথৰ কাষত ধৃত চোৰজনক আৰক্ষীয়ে প্ৰহাৰ কৰাও দেখা পোৱা যায় । বাছ চুৰি কৰা লোকজন বাংগালুৰুৰ মাজমাল খান বুলি চিনাক্ত কৰিছে আৰক্ষীয়ে । বৰ্তমানো বাছখনৰ চুৰি কৰাৰ প্ৰকৃত কাৰণ জানিব পৰা হোৱা নাই ।
