নেশ্বনেল ডেস্ক, 21 অক্টোবৰ : মহাৰাষ্ট্ৰৰ বিধানসভা নিৰ্বাচনৰ ভোট গ্ৰহণ প্ৰক্ৰিয়া ইতিমধ্যে আৰম্ভ হৈছে ৷ বিজেপিয়ে দ্বিতীয়বাৰৰ বাবে ক্ষমতাত আহিবলৈ চেষ্টা চলোৱাৰ লগতে সহজ জয় সাব্যস্ত কৰাৰ আশা প্ৰকাশ কৰিছে ৷ মুঠ 288 টা সমষ্টিত ভোট গ্ৰহণ প্ৰক্ৰিয়া চলি আছে ৷ 288 টাকৈ সমষ্টিৰ 3,237 জন প্ৰতিদ্বন্দীয়ে নিৰ্বাচনত প্ৰতিদ্বন্দিতা কৰিছে আৰু ইয়াৰে 235 গৰাকী মহিলা প্ৰতিদ্বন্দী বুলি জানিব পৰা গৈছে ৷
প্ৰখ্যাত প্ৰতিদ্বন্দীসকলৰ ভিতৰত আছে নাগপুৰ দক্ষিণ পশ্চিম সমষ্টিৰ হৈ প্ৰতিদ্বন্দিতা কৰা মুখ্যমন্ত্ৰী দেবেন্দ্ৰ ফাডনাভিছ, নানদেদ জিলাৰ ভোকাৰৰ পৰা অশোক চৱন, চাটাৰা জিলাৰ দক্ষিণ কাৰাডৰ পৰা পৃথ্বীৰাজ চৌহান আদি ৷
