সুষমা স্বৰাজ আছিল এগৰাকী ভাল বান্ধৱী : মাইক পম্পেই

সুষমা স্বৰাজৰ মৃত্যুত মাৰ্কিন গৃহ সচিব মাইক পম্পেইৰ শোক প্ৰকাশ ৷

নিউজ ডেক্স, 8 আগষ্ট : এগৰাকী বন্ধু আৰু শক্তিশালী সহযোগী আখ্যা দি সুষমা স্বৰাজৰ মৃত্যুত আমেৰিকা যুক্তৰাষ্ট্ৰৰ গৃহ সচিব মাইক পম্পেৰ শোক প্ৰকাশ ৷ বুধবাৰে এক টুইত যোগে মাৰ্কিন গৃহ সচিব গৰাকীয়ে কয়
" মোৰ বন্ধু তথা ভাৰতবৰ্ষৰ প্ৰাক্তন বিদেশ মন্ত্ৰী সুষমা স্বৰাজৰ মৃত্যুত মৰ্মাহত হৈছো ৷ তেওঁ এগৰাকী শক্তিশালী সহযোগী আছিল যিয়ে এখন শক্তিশালী গণতান্ত্ৰিক আৰু শান্তিপূৰ্ণ পৃথিৱী গঢ়াত বিশ্বাস কৰিছিল ৷ তেওঁৰ পৰিয়াল আৰু ভাৰতবৰ্ষৰ জনগণক আমাৰ সমবেদনা" ৷

সুষমা স্বৰাজ এগৰাকী ভাল বান্ধৱী আছিল : মাইক পম্পেই

উল্লেখযোগ্য যে, ভাৰতীয় জনতা পাৰ্টীৰ শক্তিশালী মহিলা মুখ হিচাপে পৰিচিত দেশৰ প্ৰাক্তন বৈদেশিক পৰিক্ৰমা দপ্তৰৰ মন্ত্ৰী সুষমা স্বৰাজে যোৱা 6 আগষ্টত শেষ নিশ্বাস ত্যাগ কৰে ৷ ইতিমধ্যে বুধবাৰে উপ ৰাষ্ট্ৰপতি ভেংকায়া নাইডু, প্ৰধান মন্ত্ৰী মোদী সহিতে বহু ৰাজনৈতিক নেতাৰ উপস্থিতিত ৰাষ্ট্ৰীয় মৰ্যদাৰে স্বৰাজৰ শেষকৃত সম্পন্ন কৰা হয় ৷ প্ৰাক্তন মন্ত্ৰী গৰাকীৰ সৰলতা আৰু সক্ৰিয়তাৰ বাবে সকলোৰে মাজত জনপ্ৰিয় আছিল ৷ দৈনিক ব্যস্ততাপূৰ্ণ কাৰ্যসূচীৰ মাজতো তেওঁ সদায় জনসাধাৰণৰ বাবে উপলব্ধ আছিল ৷ বিদেশ মন্ত্ৰী হৈ থকা কালছোৱাতো তেওঁ সকলো প্ৰকাৰে দেশবাসীক সহায় কৰাৰ বাবে সৰ্বতোপ্ৰকাৰে চেষ্টা অব্যাহত ৰাখিছিল ৷