নিউজ ডেস্ক, ৭ জুন : লক্ ডাউনৰ মাজতে দেওঁবাৰে মধ্য প্ৰদেশৰ ৰিহায়শী অঞ্চলত বিচৰণ কৰি থকা এটা বাঘক ভূপালৰ বন বিভাগে আৱদ্ধ কৰি সক্ষম হয় । এগৰাকী বন বিষয়াই জনোৱা অনুসৰি, আৱদ্ধ কৰা বাঘটোৰ নাম চাৰণ । যিয়ে অঞ্চলটিত বিগত বহু দিনৰ পৰাই সন্ত্ৰাস চলাই আহিছিল ।
তথ্য অনুসৰি বাঘটোৱে ২০১৮ চনৰ অক্টোবৰ মাহত মহাৰাষ্ট্ৰত দুজন লোকক আক্ৰমণ কৰিছিল । কিন্তু দীৰ্ঘদীন ধৰি বাঘটোক বন বিভাগে আৱদ্ধ কৰিবলৈ সক্ষম হোৱা নাছিল । কিন্তু দেওঁবাৰে বাঘটোক আৱদ্ধ কৰি বাঘ সংৰক্ষিত এলেকাত মুকলি কৰিবলৈ সক্ষম হৈছিল ।
জানিব পৰা মতে, বাঘটোক বৰ্তমান প্ৰাকৃতিক পৰিবেশৰ মাজত ৰখা হৈছে ।
অঞ্চলজুৰি বাঘটোৱে সন্ত্ৰাস চলাই থকাৰ পিছত প্ৰথমবাৰৰ বাবে ২০১৮ চনৰ ডিচেম্বৰত বাঘটোক বন বিভাগে আৱদ্ধ কৰিবলৈ সক্ষম হৈছিল ।
লগতে পঢ়ক : ষ্টাৰ্ট আপৰ সফলতাৰ বুজ ল'লে মুখ্যমন্ত্ৰী সোণোৱালে
