নিউজ ডেস্ক, 12 অক্টোবৰ : মহামান্য উচ্চতম ন্যায়ালয়ে সোমবাৰৰ পৰা 12 খন বিচাৰপীঠ 30 গৰাকী ন্যায়ধীশৰ সৈতে দৈনিক ভিডিঅ' কনফাৰেন্সিঙৰ যোগেৰে কাম আৰম্ভ কৰিব ।
উল্লেখ্য যে, ক'ভিড-19 ৰ বাবে মাৰ্চ মাহৰ পৰাই দৈনিক প্ৰায় 20 টা গোচৰ দুইৰ পৰা তিনিজন ন্যায়াধীশৰ 5 খন বিচাৰপীঠৰ যোগেদি কাম আৰম্ভ কৰিছিল ৷
ন্যায়ালয়ৰ ৱেবছাইটৰ তথ্য অনুসৰি, 12 অক্টোবৰৰ পৰা তিনিজন ন্যায়াধীশ আৰু দুজন একক ন্যায়াধীশৰ 10 খন বিচাৰপীঠে গোচৰ নিষ্পত্তি কৰিবলৈ কাম আৰম্ভ কৰিব ৷
ক'ভিড মহামাৰীৰ বাবে উচ্চতম ন্যায়ালয়ে 23 মাৰ্চৰ পৰাই ভিডিঅ' কনফাৰেন্সৰ যোগেৰে গোচৰৰ শুনানি গ্ৰহণ কৰি আহিছে ৷ কিন্তু সোমবাৰৰ তালিকা অনুসৰি, 8 খন বিচাৰপীঠত তিনিজন ন্যায়াধীশ আৰু আন দুখন বিচাৰপীঠ থাকিব য'ত গোচৰ শুনিবলৈ দুজন ন্যায়াধীশ থাকিব ।
আনহাতে, ভিডিঅ' কনফাৰেন্সিঙত যোগদান কৰাত অসুবিধাৰ সন্মুখীন হ'ব পৰা আইনজীৱীসকলক সুবিধা প্ৰদান কৰাৰ বাবে 12 টা অতিৰিক্ত কোঠাৰ ব্যৱস্থা কৰা হৈছে ৷
লগতে পঢ়ক : কংগ্ৰেছৰ প্ৰতিবাদ মিথ্যাচাৰৰ বাহিৰে একো নহয় : অশোক শৰ্মা
