নেশ্যনেল ডেস্ক, 10 ফেব্ৰুৱাৰী : জম্মু-কাশ্মীৰৰ প্ৰাক্তন মুখ্যমন্ত্ৰী ওমৰ আব্দুল্লাক Public Safety Act(PSA) ৰ অধীনত আটক কৰাৰ বিৰুদ্ধে উচ্চতম ন্যায়ালয়ত প্ৰত্যাহ্বান জনাইছে ভগ্নীয়ে ৷
অধিবক্তা এন. ভি. ৰমানাৰ নেতৃত্ব গঠিত এক বিচাৰক মণ্ডলীৰ সন্মুখত ওমৰ আব্দুল্লাৰ হৈ উকালতি কৰা জ্যেষ্ঠ অধিবক্তা কপিল ছিবালে এই বিষয়ে অতি সোনকালে ব্যৱস্থা গ্ৰহণ কৰিব লাগে বুলি মন্তব্য কৰে ৷
ছিবালে বিচাৰক মণ্ডলীৰ আগত কয় যে, ওমৰ আব্দুল্লাক আটক কৰা সন্দৰ্ভত তেওঁলোকে এখন আবেদন দাখিল কৰিছে আৰু এই সপ্তাহতে এই গোচৰক লৈ ব্যৱস্থা গ্ৰহণ কৰিব লাগে ৷ বিচাৰক মণ্ডলীয়ে অতি সোনকালে এই সম্পৰ্কত ব্যৱস্থা গ্ৰহণ কৰিবলৈও মান্তি হোৱা বুলি জানিব পৰা গৈছে ৷
