নিউজ ডেস্ক, ৯ জানুৱাৰী: শনিবাৰে বিজেপিৰ ৰাষ্ট্ৰীয় সভাপতি জে পি নড্ডাই নিৰ্বাচনী প্ৰচাৰৰ বাবে পশ্চিমবংগৰ বৰ্ধমানত কৃষক ৰাইজৰ মাজত উপস্থিত হ'ব । নিৰ্বাচনৰ প্ৰাকক্ষণত নড্ডাই দলৰ হৈ 'ঘৰে ঘৰে চাউল সংগ্ৰহ' নিৰ্বাচনী ৰণনীতি চলাব । যাৰ উদ্দেশ্য কৃষকসকলৰ বিকাশ, প্ৰগতি আৰু সমৃদ্ধি । তাৰবাবে নিৰ্বাচনী প্ৰতিশ্ৰুতি প্ৰদান কৰিব । নড্ডাই বৰ্ধমানৰ ক্লক টাৱাৰৰ পৰা লৰ্ড কাৰ্জন গেটলৈ ৰোড শ্ব' কৰি এক সংবাদমেলৰো সম্বোধন কৰিব ।
দলৰ মুখ্য প্ৰৱক্তা অনিল বালুনিয়ে কয় যে নড্ডাই ৰাজ্যখনৰ জগাদানপুৰ গাঁৱৰ কৃষক ৰাইজৰ সৈতে যাত্ৰাকালৰ অধিকাংশ সময় কটাব । ইয়াৰোপৰি বিধানসভা নিৰ্বাচনৰ পূৰ্বে দলৰ তৰফৰ পৰা গাঁওখনত অধিক 'কৃষক সুৰক্ষা গ্ৰাম সভা' অনুষ্ঠিত কৰা হ'ব । এমুঠি চাউল সংগ্ৰহ কৰা যোঁজনাৰ অধীনত বিজেপিয়ে ৰাজ্যখনৰ ৭৩ লাখ গাঁওবাসীৰ ঘৰে ঘৰে গৈ নিৰ্বাচনী প্ৰচাৰ চলাব ।
মমতা বেনাৰ্জীৰ দহ বছৰীয়া শাসনক ওফৰাবলৈ এইবাৰ বিজেপিয়ে নিৰ্বাচনী ৰণনীতিৰ প্ৰস্তুতি তুংগত চলাইছে ।
ইফালে কেন্দ্ৰই কৃষকৰ স্বাৰ্থ বিৰোধী আইন প্ৰণয়ন কৰাত দিল্লীত অব্যাহত আছে কৃষকৰ প্ৰতিবাদ । তেনে সময়তে বিজেপিয়ে আকৌ কৃষকৰ হৈ এইবাৰ নিৰ্বাচনী ৰণনীতি প্ৰস্তুত কৰিছে । গেৰুৱা দলটোৰ এনে কাৰ্যত হয়তো বিমোৰত পৰাৰ আশংকা দেখা দিব পাৰে ।
লগতে পঢ়ক: বিৰোধীয়ে কৃষক আন্দোলনক ৰাজনীতিকৰণ কৰিছে : গজেন্দ্ৰ সিং শেখাৱট
