নেশ্যনেল ডেস্ক, 24 ডিচেম্বৰ : বৰদিনৰ আগদিনা মিজোৰামত বৃদ্ধি পাইছে ক'ভিড-19 আক্ৰান্তৰ সংখ্যা ৷ নতুনকৈ 15 গৰাকী লোক আক্ৰান্ত হৈছে ক'ভিড-19 ত ৷ জোৰাম মেডিকেল কলেজৰ RT-PCR লেবৰেটৰীত 9 টা ঘটনা আৰু ৰেপিড এন্টিজেন টেষ্টত 6 টা ঘটনা পোহৰলৈ আহিছে ৷ বৰ্তমানলৈকে মিজোৰামত ক'ভিডত মৃত্যু হোৱা লোকৰ সংখ্যা 8 জন হৈছেগৈ ৷
ৰাজধানী আইজলতে আক্ৰান্তৰ সংখ্যা 63 হোৱাৰ বিপৰীতে মৃতকৰ সংখ্যা 7 গৰাকী ৷ উল্লেখ্য যে, সমগ্ৰ ৰাজ্যখনতে জনসমাবেশ নিষেধ কৰা হৈছে ৷ চৰকাৰী নিৰ্দেশাৱলী অনুসৰি, কোনো অন্তোষ্টিক্ৰিয়া অথবা বিবাহত 35 জনতকৈ অধিক লোকৰ উপস্থিতিত নিষেধাজ্ঞা আৰোপ কৰা হৈছে ৷
সকলো গীৰ্জাঘৰ বন্ধ ৰখা হৈছে ৷ বৰদিনৰ সকলো ৰীতি-নীতি অনলাইন আয়োজন কৰা হৈছে ৷ আইজল পৌৰসভা এলেকাত প্ৰায় 7 মাহ ধৰি নিশাৰ 8 বজাৰ পৰা পুৱা 4.30 বজালৈ সান্ধ্য আইন জাৰি কৰা হৈছে ৷ ৰাজ্যখনত প্ৰৱেশ কৰা যিকোনো লোকে বাধ্যতামূলক 7 দিনৰ কোৱাৰান্টাইনত থাকিব লাগিব ৷
লগতে পঢ়ক : কাজিৰঙাত বিএছএফ আৰু বিজিবিৰ দল
