কৰ্কট ৰোগীৰ বাবে কেৰালাৰ এগৰাকী মহিলা আৰক্ষীয়ে কৰিলে মুণ্ডন

কেৰালাৰ ত্ৰিশুৰ অঞ্চলৰ এগৰাকী মহিলা আৰক্ষী বিষয়া.. ৰাইজৰ নিৰাপত্তা সেৱাত নিজকে উৎসৰ্গা কৰা আৰক্ষী বিষয়াগৰাকীয়ে নিজৰ চুলিখিনি দান কৰিলে কৰ্কট ৰোগীৰ বাবে ৷ সম্প্ৰতি, তেওঁক লৈ সকলোতে অব্যাহত আছে চৰ্চা ৷

কেৰালা, 29 ছেপ্টেম্বৰ: কেৰেলাৰ ত্ৰিশুৰৰ এগৰাকী মহিলা আৰক্ষী বিষয়াৰ কাৰ্যই সকলোতে ব্যাপক চৰ্চা লাভ কৰিছে ৷ জেষ্ঠ আৰক্ষী বিষয়া অপৰ্ণা লাৱাকুমাৰে কৰ্কট ৰোগীৰ বাবে দান কৰিছে নিজৰ সুন্দৰ চুলিকোছা ৷ এগৰাকী আৰক্ষী বিষয়া হৈ ৰাইজৰ নিৰাপত্তাৰ বাবে তেখেতে নিজকে আগবঢ়োৱাৰ পাচতো আনৰ বাবে কাম কৰাৰ বাবে কোনো ফালৰ পৰা সুৰুঙা এৰা নাই ৷ আধুনিক প্ৰযুক্তিৰে বৰ্তমান কৰ্কট ৰোগীৰ বাবে চুলিৰ লগোৱা ব্যৱস্থা কৰিছে ৷ তাৰ বাবে বিভিন্ন সংস্থা, প্ৰতিষ্ঠান নতুবা কোম্পানী সমূহে বিভিন্ন উৎসৰ পৰা চুলিসমূহ সংগ্ৰহ কৰে নতুবা ইচ্ছানুসৰি কোনো ব্যক্তিয়ে নিজৰ চুলিসমূহ কৰ্কট ৰোগী সকলৰ বাবে দান কৰিবও পাৰে ৷

কেৰালাৰ এই আৰক্ষী বিষয়াগৰাকীয়েও কাৰোবাৰ মুখত হাঁহি বিৰিঙাবলৈ নিজৰ চুলিখিনি দান কৰিছে ৷ অপৰ্ণা লাৱাকুমাৰে কয় যে, মই এইয়া কৰ্কট ৰোগী সকলৰ বাবে কৰিছো ৷ আৰু যি কৰিছে এইয়া মই স্ব-ইচ্ছাৰে কৰিছো ৷ তাৰবাবে আজিলৈকে মোক কোনেও প্ৰশ্ন কৰা নাই ৷ ইয়াৰ আগতেও 2016 চনত অপৰ্ণাই একে উদ্দেশ্য আগত ৰাখিয়েই চুলিসমূহ দান কৰিছিল বুলিও প্ৰকাশ কৰে ৷