নিউজ ডেস্ক, ২৩ জুনঃ মঙলবাৰে তামিলনাডুত উপস্থিত হয় ভাৰতীয় নৌসেনাৰ জাহাজ ঐৰাবত। মালদ্বীপত আৱদ্ধ হৈ থকা ১৯৮ গৰাকী ভাৰতীয় নাগৰিকক লৈ তামিলনাডুৰ তুতীকোৰিণ বন্দৰত উপস্থিত হয় জাহাজখন ।
সমুদ্ৰ সেতু অভিযানৰ অধীনত ভাৰতীয় নাগৰিকসকলক জাহাৰেৰে নিজ দেশলৈ উভতাই অনা হয় । তামিলনাডুত উপস্থিত হোৱাৰ পাছত প্ৰতিজন যাত্ৰীৰ ক্ৰিণিং কৰাৰ লগতে তেওঁলোকৰ বেগসমূহ বিজাণুমুক্ত কৰা হয়।
কোভিড-১৯ সংকটৰ বাবে মালদ্বীপত আৱদ্ধ হৈ থকা ভাৰতীয় লোকসকলৰ এই অভিযানৰ অধিনত জলপথেৰে নিজ দেশলৈ উভতাই অনা হয় । ভাৰতীয় নৌ সেনাই মুকলি কৰা এই অভিযানৰ অধীনত প্ৰথম অৱস্থাত ১০০০ গৰাকী ভাৰতীয় নাগৰিকক মালদ্বীপৰ পৰা উভতাই অনাৰ পৰিকল্পনা কৰা হৈছিল।
