নিউজ ডেস্ক, ৭ জুনঃ মহামাৰী কৰ'ণা ভাইৰাছ প্ৰতিৰোধৰ বাবে সমগ্ৰ দেশজুৰি চলা লক ডাউনৰ পৰিপ্ৰেক্ষিততে নেপালত আৱদ্ধ হৈ আছিল একাংশ ভাৰতীয় । কিন্তু দেশত আনলক আৰম্ভ হোৱা পাচতে শনিবাৰে দাৰ্জিলিঙৰ ভাৰত-নেপাল সীমান্তত উপস্থিত হয় নেপালত আৱদ্ধ ভাৰতীয়সকল ।
আনহাতে, আৱদ্ধ লোক সকল সীমান্তত উপস্থিত হোৱা পাচতে থাৰ্মেল স্ক্ৰীনিং কৰাৰ লগতে ব্যক্তিসকলৰ স্বাস্থ্যৰ বুজ লৈ তথ্য সমূহ লিপিবদ্ধ কৰে স্বাস্থ্য কৰ্মীয়ে ।
উল্লেখ্য যে, পশ্চিম বংগত বৰ্তমান পৰ্যন্ত ৭,৩০৩ গৰাকী ব্যক্তিৰ দেহত কৰ'ণাৰ উপস্থিতি লাভ কৰিছে । ইয়াৰে আৰোগ্য হৈ উঠিছে ২,৯১২ গৰাকী লোক । এইপৰ্যন্ত কৰ'ণা ভাইৰাছত আক্ৰান্ত হৈ ৩৬৬ গৰাকী লোকৰ মৃত্যু হৈছে বুলি জানিবলৈ দিয়ে স্বাস্থ্য মন্ত্ৰণালয়ে ।
