দেশৰ বহনক্ষম উন্নয়নৰ বাবে গান্ধীজীৰ আদৰ্শ প্ৰয়োজনীয় : আন্না হাজাৰে

দেশৰ বহনক্ষম উন্নয়নৰ বাবে গান্ধীজীৰ আদৰ্শ নিত্যান্তই প্ৰয়োজনীয় ৷ গান্ধীবাদী আদৰ্শ আৰু মহাত্মাৰ গ্ৰাম্য বিকাশৰ ধাৰণা আজিও অতি প্ৰাসংগিক ৷ পৰিবেশ সমস্যাৰ বাবে দ্ৰুত নগৰীকৰণক দোষাৰোপ কৰি আন্না হাজাৰেয়ে কয় যে, বহনক্ষম উন্নয়নৰ বাবে গাঁও সমূহক লক্ষ্য হিচাপে লোৱা উচিত ৷

নিউজ ডেস্ক, 30 আগষ্ট : দেশৰ বহনক্ষম উন্নয়নৰ বাবে গান্ধীজীৰ আদৰ্শ নিত্যান্তই প্ৰয়োজনীয় ৷ গান্ধীবাদী আদৰ্শ আৰু মহাত্মাৰ গ্ৰাম্য বিকাশৰ ধাৰণা আজিও অতি প্ৰাসংগিক ৷ পৰিবেশ সমস্যাৰ বাবে দ্ৰুত নগৰীকৰণক দোষাৰোপ কৰি আন্না হাজাৰেয়ে কয় যে, বহনক্ষম উন্নয়নৰ বাবে গাঁও সমূহক লক্ষ্য হিচাপে লোৱা উচিত ৷

আন্না হাজাৰেৰ মতে, বাপুৰ গ্ৰাম্য উন্নয়নৰ ধাৰণাক অনুসৰণ কৰাৰ প্ৰয়োজনীয়তা আছে, কিয়নো বৰ্ধিত নগৰীকৰণে পৰিবেশক অধিক শোষণৰ দিশে পৰিচালিত কৰিছে ৷

গ্ৰাম্য উন্নয়নৰ বাবে গান্ধীৰ ধাৰণাক অনুসৰণ কৰা প্ৰয়োজন :

গান্ধীজীয়ে কৈছিল যে, "জাতিৰ অগ্ৰগতিৰ বাবে গ্ৰাম্য উন্নয়ন জৰুৰী আছিল ৷ কিন্তু দুৰ্ভাগ্যৰ কথা যে, স্বাধীনতাৰ পাচত আমি আমি ভূল পথ বাচি ল'লো ৷ গাঁৱৰ পৰিৱৰ্তে আমি নগৰমুখী হ'লো "৷
আন্না হাজাৰেয়ে আৰু কয় যে, গাঁও সমূহত মৌলিক সুবিধা নোহোৱা হোৱাৰ বাবেই মানুহ নগৰমুখী হৈছে ৷ পৰৱৰ্তী চৰকাৰসমূহে গাঁৱৰ পৰিৱৰ্তে নগৰত মনোনিৱেশ কৰি ভুল কৰিছে ৷

বৰ্তমান চলি থকা প্ৰাকৃতিক সম্পদৰ অত্যাধিক আহৰণৰ তীব্ৰ নিন্দা কৰি আন্না হাজাৰেয়ে কয় যে, বহনক্ষম উন্নয়নৰ বাবে গান্ধীজীৰ গ্ৰাম্য বিকাশৰ ধাৰণাটো অতি সময়োপযোগী ৷ ক্ৰমাগত ভাৱে বৃদ্ধি পোৱা নগৰীকৰণে পৰিৱেশক অধিক শোষণৰ দিশে পৰিচালিত কৰিছে, য'ত কেৱল পুনঃনৱীকৰণ যোগ্য সম্পদৰ ব্যৱহাৰ আধিক ব্যৱহাৰ হ'বলৈ ধৰিছে ৷ যাৰ ফলত প্ৰদূষণ আৰু ৰোগ বৃদ্ধি পোৱাৰ উপৰিও গোলকীয় উত্তাপ বৃদ্ধি পাইছে ৷ এই ঘটনাই সমগ্ৰ বিশ্বকে উদ্বিগ্ন কৰিছে ৷

গান্ধীজীৰ মূল্যবোধ কাৰ্যকৰী কৰাৰ কাৰণে জনসাধাৰণে গান্ধীজীৰ জীৱন অনুসৰণ কৰা উচিত :

আন্না হাজাৰেয়ে আৰু কয় যে, সত্য আৰু অহিংসা অতি শক্তিশালী ৷ বিশ্বক গান্ধীজীৰ মূল্যবোধৰ প্ৰকৃত শক্তি উপলব্ধি কৰোৱাৰ বাবে অন্ধ অনুশীলনেই যঠেষ্ট নহয় ৷ গান্ধীজীৰ ভাৱমূৰ্তি নিকা আৰু স্বচ্ছ আছিল ৷ সত্যৰ অন্বেষনকাৰী সকলে এই পথ অনুসৰণ কৰা উচিত ৷ তেওঁলোকৰ চৰিত্ৰ, আচৰণ আৰু চিন্তা নিকা হোৱা উচিত আৰু তেওঁলোকৰ জীৱনত সামাজিক আৰু জাতীয় দৃষ্টিভংগী থকা উচিত ৷ যি ত্যাগৰ বাবে জীয়াই থাকে তেওঁ সত্যাগ্ৰহ আৰু অহিংস নীতি গ্ৰহণ কৰিব পাৰে ৷

তদুপৰি আনৰ অপমান সহ্য কৰিব পৰা শক্তি থকা উচিত ৷ গান্ধীজীৰ জীৱন অবজ্ঞাৰে পৰিপূৰ্ণ আছিল, তেখেতক আনকি ৰে'লৰ পৰাও পেলাই দিয়া হৈছিল ৷ তথাপিও কিন্তু বাপু কোনোদিন ক্ষুব্ধ হোৱা নাছিল ৷

বৰ্তমান সময়ত গান্ধীবাদ ভালদৰে শিকোৱা হোৱা নাই :

বৰ্তমান সময়ত গান্ধীবাদ সম্পূৰ্ণ শুদ্ধভাৱে শিকোৱা নহয় ৷ এইদৰে আক্ষেপ কৰি আন্না হাজাৰেয়ে কয় যে, গান্ধীবাদী চিন্তাধাৰা প্ৰত্যেকৰে জীৱনত থকা উচিত যদিও দৰাচলতে সেইয়া হৈ উঠা নাই ৷ পৰিয়াল সমূহকো জাতীয় মূল্যবোধে উদ্বুৰ্ধ কৰিব পৰা নাই ৷ শিশুসকলক গান্ধীৰ আদৰ্শ শিকোৱা উচিত যদিও সেয়া পৰিলক্ষিত নহয় ৷ আনকি বিদ্যালয় মহাবিদ্যালয়তো মূল্যবোধৰ অৱক্ষয় ঘটিছে ৷ শিশুসকলক কেৱল পাঠ্য-পুথিৰ জৰিয়তে মূল্যবোধৰ শিক্ষা দিয়া হৈছে যদিও বাস্তৱ জীৱনত ইয়াৰ প্ৰায়োগিক অনুশীলন শিকোৱা হোৱা নাই ৷