নিউজ ডেস্ক, ৯ জুনঃ ৰাজস্থানৰ বীকানেৰ পূৰ্ব মহাৰাণী পদ্মা কুমাৰীৰ দেহৱসান । সোমবাৰে মুলছন্দ হাৰ্ট হাস্পতালত মৃত্যু হয় পদ্মা কুমাৰীৰ ।
খবৰ অনুসৰি, বীকানেৰ পূৰ্ব মহাৰাণী পদ্মা কুমাৰী হৃদৰোগত আক্ৰান্ত আছিল । কিন্তু সোমবাৰে নিশা উশাহ লোৱা সমস্যাৰ সন্মুখীন হোৱা পাচতে পদ্মা কুমাৰীক হাস্পতালত ভৰ্তি কৰোৱা হয় যদিও চিকিৎসা চলি থকা অৱস্থাতে মৃত্যু হয় বীকানেৰ পূৰ্বৰ মহাৰাণী গৰাকীৰ ।
আনহাতে, বীকানেৰ পূৰ্ব মহাৰাণী পদ্মা কুমাৰীৰ অন্তিম ক্ষণত তেখেতৰ সৈতে হাস্পতালত উপস্থিত থাকে তেখেতৰ কন্যা তথা বৰ্তমানৰ বিজেপিৰ বিধায়িকা সিন্ধি কুমাৰীসহ কিছু সংখ্যক আত্মীয় ।
উল্লখ্য যে, মহাৰাণী পদ্মা কুমাৰী হিমাছল প্ৰদেশৰ চম্বা ৰাজপৰিয়ালৰ কন্যা আছিল । ৰাজস্থানৰ বীকানেৰ পূৰ্ব মহাৰাজা নৰেন্দ্ৰ সিঙৰ লগত বিবাহ-পাশত আৱদ্ধ হয় পদ্মা কুমাৰী । আনহাতে, মহাৰাজা নৰেন্দ্ৰ সিঙৰ ২০০৩ চনত মৃত্যু হয় ।
