নিউজ ডেস্ক, ১২ জুলাইঃ ভাৰতৰ প্ৰাক্তন ক্ৰিকেটাৰ তথা বৰ্তমাৰ ৰাজনৈতিক নেতা চেতন চৌহানৰ দেহত মহামাৰী COVID-19ৰ উপস্থিতি । শনিবাৰে টুইটাৰযোগে এই কথা সদৰি কৰিলে ভাৰতৰ ক্ৰিকেট দলৰ প্ৰাক্তন অপেনাৰ আকাশ চোপ্ৰাই ।
আকাশ চোপ্ৰাই টুইটযোগে লিখে যে, " প্ৰাক্তন ক্ৰিকেট খেলুৱৈ চেতন চৌহানৰ দেহত মহামাৰী # COVID-19ৰ উপস্থিতি । তেখেত শীঘ্ৰে আৰোগ্য হৈ উঠিবৰ বাবে প্ৰাৰ্থনা কৰিব । আপুনি সোনকালে সুস্থ হৈ উঠক ছাৰ । আপোনালোকল বাবে এই কঠিন সময়... বিগ বী আৰু চেতন ডাঙৰীয়া ।"
তথ্য অনুসৰি, চেতন চৌহানে শুকুৰবাৰে মহামাৰী COVID-19ৰ পৰীক্ষা কৰে । প্ৰাক্তন খেলুৱৈ গৰাকীৰ দেহত কৰ'ণাৰ উপস্থিতি লাভ কৰাৰ পাচতে লক্ষ্ণৌৰ সঞ্জয় গান্ধী পিজিআই হাস্পতালত ভৰ্তি কৰাই পৰিয়ালৰ লোকে ।
উল্লেখ্য যে, চৌহানে শতকৰ অবিহনেই তেখেতৰ ক্ৰিকেট কেৰিয়াৰত ২০২৪ন ৰান সংগ্ৰহ কৰিবলৈ সক্ষম হয় । লগতে বিশিষ্ট ক্ৰিকেট খেলুৱৈ সুনীল গাভাস্কাৰ সৈতে চৌহানে অপেনাৰৰ ৰূপত জনপ্ৰিয় জুটি হিচাপেও পৰিচিত । চৌহানে টেষ্ট ক্ৰিকেট সৰ্বোচ্চ ৯৭ স্কৰ কৰাৰ উপৰিও এই বেল্টত তেখেতে ১৬ টা অৰ্ধশতক কৰে ।
