নেশ্যনেল ডেস্ক, 5 ডিচেম্বৰ: আৰৱ সাগৰত কঠিন সামুদ্ৰিক পৰিস্থিতিত সংকটজনক অৱস্থাত আবদ্ধ হৈ থকা 264জন ভাৰতীয় মাছমৰীয়াক বাণিজ্যিক জাহাজৰ সহায়ত ভাৰতীয় উপকূলৰক্ষীয়ে উদ্ধাৰ কৰিবলৈ সক্ষম হয় ৷
তামিলনাডু মৎস্য প্ৰাধিকৰণৰ বাৰ্তানুসৰি কোলাচেলে,গোৱাৰ পশ্চিমত 250 ন'টিকেল মাইল দূৰত্বত আবদ্ধ হৈ থকা মাছমৰীয়াসকলে অৱগত কৰে উপকূলৰক্ষী বাহিনীক ৷ ইয়াৰ পিচতে কোষ্টগাৰ্ড মেৰিটাইম ৰেছ্কিউ চেণ্টাৰে আন্তৰ্জাতিক সুৰক্ষা আবেষ্টনীক সক্ৰিয় কৰাৰ লগতে 264 জন মাছমৰীয়াক উদ্ধাৰৰ ব্যৱস্থা গ্ৰহণ কৰে ৷ ডিচেম্বৰৰ 3 তাৰিখে জৰুৰীকালীন বাৰ্তা পোৱা যায় ৷ লগে লগেই অভিযান আৰম্ভ কৰা হয় তেওঁলোকক উদ্ধাৰৰ বাবে ৷
ফলস্বৰূপে,ভাৰতীয় বাণিজ্যিক জাহাজ 'নৱধেণু পূৰ্ণা' IFB7ৰে 86 জন মাছমৰীয়াক উদ্ধাৰ কৰে আৰু এখন জাপানী ধ্বজাবাহক MV Towda জাহাজে সংকটজনক অৱস্থাত থকা প্ৰায় 34জন মাছমৰীয়াক উদ্ধাৰ কৰে ৷ ভাৰতীয় উপকূলৰক্ষী আৰু মেৰিটাইম ৰেছ্কিউ চেণ্টাৰৰ অনুৰোধত শীঘ্ৰেই আন 5 খন বাণিজ্যিক জাহাজ,উদ্ধাৰ অভিযানত নামি পৰে আৰু 264 জন মাছমৰীয়াকে উদ্ধাৰ কৰিবলৈ সক্ষম হয় ৷
মাছমৰীয়াসকলৰ বাবে খাদ্য আৰু প্ৰাথমিক চিকিৎসাৰ ব্যৱস্থা কৰা হয় উদ্ধাৰৰ পাছতে ৷
লগতে পঢ়ক: মধ্য প্ৰদেশৰ ৰেৱাত বাছ আৰু ট্ৰাকৰ সংঘৰ্ষ, নিহত 15
