চম্বা , 27 এপ্ৰিলঃ হিমাচল প্ৰদেশৰ চম্বা জিলাৰ পঞ্চপুলাৰ সমীপত দ খাৱৈত বাছ বাগৰি দুৰ্ঘটনাগ্ৰস্ত ৷ ঘটনাটোত 12 জনৰো অধিক লোক নিহত হোৱাৰ লগতে গুৰুতৰভাৱে আহত হয় 35 জনৰো অধিক ৷
শনিবাৰে নিশা 8 বজাত বাছখনৰ চালকে নিয়ন্ত্ৰণ হেৰুৱাৰ বাবেই সংঘটিত হয় এই দুৰ্ঘটনাটো ৷ হিমাচলৰ মুখ্যমন্ত্ৰী জয় ৰাম ঠাকুৰৰ নিৰ্দেশমৰ্মে ঘটনাস্থলীত জিলা প্ৰশাসনৰ লোক উপস্থিত হৈ উদ্ধাৰ কাৰ্য অব্যাহত ৰাখিছে ৷ লগতে আহত লোকসকলক অনতিপলমে চিকিৎসালয়ত ভৰ্তি কৰাবলৈও নিৰ্দেশ দিয়ে হিমাচলৰ মুখ্যমন্ত্ৰী গৰাকীয়ে ৷
লগতে পঢ়কঃ মঙলদৈত শোকাৱহ পথ দুৰ্ঘটনা
তথ্য অনুসৰি 40 জন যাত্ৰীসহ বাছখন পাঠানকোটৰ পৰা ডেলহাউচী অভিমুখে গৈ আছিল ৷ ঘটনা সংঘটিত হোৱাৰ পাচতে প্ৰশাসনিক বিষয়াসকল ঘটনাস্থলীত উপস্থিত হৈ উদ্ধাৰ অভিযান অব্যাহত ৰাখিছে ৷ দুৰ্ঘটনাটোত আহতসকলক ইতিমধ্যে চিকিৎসালয়ত ভৰ্তি কৰোৱা হৈছে ৷ ঘটনাৰ প্ৰকৃত কাৰণ এতিয়ালৈকে জানিব পৰা হোৱা নাই ৷ দুৰ্ঘটনাটোত মৃতকৰ সংখ্যা অধিক বৃদ্ধি পোৱাৰ সম্ভাৱনা আছে ৷
