নেশ্যনেল ডেস্ক, 1 ডিচেম্বৰ: এগৰাকী আৰক্ষী বিষয়াই জানিবলৈ দিয়া অনুসৰি, মঙলবাৰে ছত্তিশগড়ৰ বিজাপুৰ জিলাত নক্সালে এটা বিস্ফোৰক ডিভাইচ ব্যৱহাৰ কৰি এখন বাহনত বিস্ফোৰণ ঘটোৱাৰ ফলত দুগৰাকী লোক আহত হয় ।
পুৱা প্ৰায় 9 বজাত ঘটনাটো সংঘটিত বাচাগুড়া আৰু তাৰেম গাঁৱৰ মাজৰ ৰাজপেণ্টা গাঁৱৰ সমীপত । দুয়োগৰকী লোকে এখন বাহনত তাৰেম অভিমুখে গৈ থকা অৱস্থাতে সংঘটিত হয় এই ঘটনা ।
আহত লোক দুগৰাকী বাহন খানৰ স্বত্বাধিকাৰী মহম্মদ ইকবাল আনচাৰী আৰু মটৰ মেকানিক বলৰাম প্ৰধান বুলি জানিব পৰা গৈছে । বিস্ফোৰণৰ বিষয়ে অৱগত হোৱাৰ পাচতে ঘটনাস্থলীত গৈ এটা আৰক্ষীৰ দল উপস্থিত হয় । আৰক্ষীয়ে ততাতৈয়াকৈ আহত লোক কেইগৰাকীক চিকিৎসালয়লৈ প্ৰেৰণ কৰে ।
সমগ্ৰ ঘটনা সন্দৰ্ভত আৰক্ষীয়ে প্ৰকাশ কৰা সন্দেহ অনুসৰি, দুৰ্বৃত্তই কোনো নিৰাপত্তাৰক্ষীৰ লোকক লক্ষ্য কৰি হয়তো এনে ঘটনা সংঘটিত কৰিছিল ; কিন্তু ভুলবশতঃ সাধাৰণ নাগৰিকৰ বাহনলৈ লক্ষ্য কৰি বিস্ফোৰণটো ঘটোৱা হ'ল ।
লগতে পঢ়ক: বিশ্বৰ কনিষ্ঠ কম্পিউটাৰ প্ৰ'গ্ৰামাৰৰ প্ৰমাণ প্ৰত্ৰ এটি শিশুলৈ
