নিউজ ডেস্ক, 9 নৱেম্বৰ: আজি প্ৰদান কৰা হয় ঐতিহাসিক আযোধ্যা ভূমি বিবাদৰ ৰায়দান ৷ দেশ সংবিধানৰ দ্বাৰা চলে ৷ দেশৰ সৰ্বোচ্চ ন্যায়ালয়ৰ ৰায়ক সন্মান কৰা মানে দেশক সন্মান কৰা ৷ যদিহে কোনো লোকে এই ৰায়ক লৈ হিংসাত্মক ঘটনা অথবা অপ্ৰচাৰ চলায় তেন্তে বিহিত ব্যৱস্থা গ্ৰহণ কৰা হ’ব ৷ আযোধ্যা ৰায়দানৰ দ্বাৰা আমি বিশ্বত একতাৰ বাৰ্তা প্ৰদান কৰিব পাৰিম বুলি কয় বাবা ৰামদেৱে ৷
উল্লেখ্য যে,দীৰ্ঘদিনৰ পৰা চলি অহা অযোধ্যা ভূমি-বিবাদৰ আজি ৰায়দান প্ৰদান কৰা হয় ৷ আযোধ্যাত নিৰ্মাণ হ’ব ৰাম মন্দিৰ ৷ ন্যাসৰ অধীনত কৰা হ’ব সকলো কাম-কাজ ৷ মচজিদৰ বাবে পাঁচ একৰ ভূমি বিকল্প স্থানত প্ৰদান কৰা হ’ব ৷
১৬ অক্টোবৰত উচ্চতম ন্যায়ালয়ৰ মুখ্য ন্যায়াধীশ ৰঞ্জন গগৈয়ে অযোধ্যা গোচৰৰ শুনানি সম্পূৰ্ণ কৰি সুৰক্ষিত ৰাখিছিল ৰায় ৷ শনিবাৰে পুৱা ১০.৩০ বজাৰ পৰা শুনানি প্ৰক্ৰিয়া আৰম্ভ হৈছিল ৷ উচ্চতম ন্যায়ালয়ৰ ৫ জনীয়া পীঠে প্ৰদান কৰা ৰায়ৰ শুনানি আজি উচ্চতম ন্যায়ালয়ৰ মুখ্য ন্যায়াধীশ ৰঞ্জন গগৈয়ে প্ৰদান কৰে ৷
লগতে চাওকঃ বটদ্ৰৱাৰ পৰা ৰহস্যজনক ভাৱে সন্ধানহীন দুটি সন্তানৰ মাতৃ
