হায়দৰাবাদত জব্দ 8000 কিলোগ্ৰাম ৰূপ

ৰূপ খিনি আকাশ মাৰ্গেৰে লণ্ডনৰ পৰা চেন্নাই হৈ হায়দৰাবাদলৈ অনা হৈছিল ৷

নিউজ ডেস্ক,10 জুন : সোমবাৰে হায়দৰাবাদৰ অন্তৰ্গত ছেকেন্দ্ৰাবাদ বইনপাল্লি অঞ্চলত আৰক্ষীয়ে 8000 কিলোগ্ৰাম ৰূপ জব্দ কৰে ৷ জব্দকৃত ৰূপ খিনিৰ বজাৰৰ মূল্য 35 কোটি টকা বুলি জানিব পৰা গৈছে ৷

আৰক্ষীয়ে জব্দকৃত ৰূপখিনি আৰক্ষী থানালৈ লৈ যায় আৰু তদন্ত অব্যাহত ৰাখিছে ৷ জানিব পৰা মতে ৰূপখিনি আকাশ মাৰ্গেৰে লণ্ডনৰ পৰা চেন্নই হৈ হায়দৰাবাদলৈ অনা হৈছিল ৷