নেশ্যনেল ডেস্ক, ১৫ ছেপ্টেম্বৰ : সনাতন ধৰ্মক শেষ কৰিবলৈ বিৰোধী মিত্ৰজোঁট 'INDIA' গঠন হৈছে । এই বিস্ফোৰক মন্তব্য অসমৰ মুখ্যমন্ত্ৰী ড৹ হিমন্ত বিশ্ব শৰ্মাৰ । বিহাৰৰ ৰাজধানী পাটনাত উপস্থিত হৈ মুখ্যমন্ত্ৰীগৰাকীয়ে এই মন্তব্য কৰে । পাটনাৰ বিমানবন্দৰত উপস্থিত হৈয়ে অসমৰ মুখ্যমন্ত্ৰীগৰাকীয়ে বিৰোধী মিত্ৰজোঁটক লক্ষ্য কৰি লয় ।
উল্লেখ্য যে অসমৰ মুখ্যমন্ত্ৰীগৰাকীয়ে বিহাৰৰ নালন্দাত আয়োজিত গণতন্ত্ৰৰ বৈশালী উৎসৱত অংশগ্ৰহণ কৰে । তাৰ পূৰ্বে বিমানবন্দৰত উপস্থিত হোৱাৰ লগে লগে বিজেপিৰ কৰ্মী তথা সমৰ্থকসকলে মুখ্যমন্ত্ৰী ড৹ হিমন্ত বিশ্ব শৰ্মাক উষ্ম আদৰণি জনায় । পাটনা বিমানবন্দৰত সংবাদ মাধ্যমৰ সৈতে বাৰ্তালাপ কৰি তেওঁ প্ৰথমে মিত্ৰজোঁট 'INDIA'ক লক্ষ্য কৰি লয় । এই সময়ছোৱাত, তেওঁ লোকসভা নিৰ্বাচনৰ কথাও উল্লেখ কৰে ।
তেওঁ সংবাদ মাধ্যমৰ সন্মুখত মিত্ৰজোঁট 'INDIA'ক আক্ৰমণ কৰি লয় । তেওঁ স্পষ্ট কৰি দিয়ে যে সনাতন ধৰ্মক আঁতৰাবলৈ 'INDIA' মিত্ৰজোঁট গঠন কৰা হৈছে । বিৰোধীক সমালোচনা কৰি তেওঁ কয় যে, এই লোকসকলৰ উদ্দেশ্য হৈছে দেশৰ সভ্যতা আৰু সংস্কৃতি ধ্বংস কৰা । তেওঁ দাবী কৰে যে, লোকসভা নিৰ্বাচনত সভ্যতাৰ বাবে যুঁজ দিয়া হ'ব । সনাতন ধৰ্ম সুৰক্ষিত কৰা হ'ব বুলিও তেওঁ দাবী কৰে ।
উল্লেখ্য যে, বিহাৰৰ নালন্দা বিশ্ববিদ্যালয়ত গণতন্ত্ৰৰ বৈশালী উৎসৱ উদযাপন কৰা হৈছে । এই অনুষ্ঠানত অংশগ্ৰহণৰ বাবে প্ৰাক্তন ৰাষ্ট্ৰপতি ৰামনাথ কোবিন্দ বৃহস্পতিবাৰে বিহাৰত উপস্থিত হয় । ৰামনাথ কোবিন্দৰ উপৰিও বিহাৰৰ ৰাজ্যপাল, অসমৰ মুখ্যমন্ত্ৰী ড৹ হিমন্ত বিশ্ব শৰ্মা, বৈদেশিক পৰিক্ৰমা আৰু সাংস্কৃতিক ৰাজ্যিক মন্ত্ৰী মিনাক্ষী লেখি, কেন্দ্ৰীয় মন্ত্ৰী গিৰিৰাজ সিং আৰু নেপাল, শ্ৰীলংকা, ইজিপ্ত, চিলি আৰু আৰ্জেণ্টিনাকে ধৰি কেইবাখনো দেশৰ ৰাষ্ট্ৰদূতসকলেও অনুষ্ঠানটোত অংশগ্ৰহণ কৰিব ।
