ইণ্টাৰনেশ্য়নেল ডেস্ক, 9 এপ্ৰিল: "ৰোড ট্ৰিপ" অৰ্থাৎ "পথ ভ্ৰমণ" কাৰ প্ৰিয় নহয় ? ৰোড ট্ৰিপ বুলি ক’লেই পাহাৰ, নদী, প্ৰকৃতিৰ নৈসৰ্গিক দৃশ্য, একাপ চাহ, একাপ কফী খোৱা আৰু গাড়ীত কটোৱাৰ আমেজেই সুকীয়া ৷ কিন্তু প্ৰতিটো "ৰোড ট্ৰিপে"ই যে আনন্দদায়ক হ’ব তেনে নহয় ৷ আমি আজি আপোনোলোকক ক’বলৈ ওলাইছো এটি "অভিশপ্ত ৰোড ট্ৰিপ"ৰ কথা ৷ এইটো ৰোড ট্ৰিপত মুখ্য চৰিত্ৰ হৈছে এখন বিশেষ হোণ্ডা চিটী বাহন (Indian woman living in a Honda city) ৷ এখন হোণ্ডা চিটী বাহন, এগৰাকী মহিলা আৰু তেওঁৰ চাৰিবছৰীয়া দুৰ্বিসহ জীৱনৰ এটা বিশেষ ৰোড ট্ৰিপ (Tragic story of a Woman)৷
যোৱা 40 বছৰ ধৰি সোণৰ নগৰী খ্যাত ডুবাইত প্ৰিয়া নামৰ এগৰাকী মহিলাই তেওঁৰ পৰিয়ালৰ সৈতে বাস কৰি আহিছে ৷ প্ৰিয়াৰ পিতৃ-মাতৃয়ে ব্যৱসায় সূত্ৰে ডুবাইতে থিতাপি লৈছিল ৷ অন্য লোকৰ দৰেই তেওঁলোকেও আভিজাত জীৱন যাপন কৰিছিল (woman living in a Honda city) ৷ কিন্তু অসমীয়াত এষাৰ কথা আছে বিধিৰ লিখন নহয় খণ্ডন ৷ বিধিৰ কাল চকু পৰিছিল প্ৰিয়াহঁতৰ সুখী পৰিয়ালটোত ৷ অকস্মাতে এদিন প্ৰিয়াৰ পিতৃৰ মৃত্যুৰ পিচতে কাল অমানিশা নামি আহিছিল প্ৰিয়া আৰু মাতৃৰ জীৱনলৈ ৷
প্ৰিয়াৰ পিতৃৰ মৃত্যুৰ পিচতে তেওঁৰ মাতৃ অসুস্থ হৈ পৰিছিল ৷ ফলত বছৰ বছৰ বিচনাতে জীৱন কটাইছিল প্ৰিয়াৰ মাতৃয়ে ৷ প্ৰিয়াই মাতৃৰ জীৱন বচাবলৈ যথেষ্ট ধন ব্যয় কৰিব লগা হৈছিল, ঠিক তেনে সময়তে প্ৰিয়াহঁতৰ ব্যৱসায়ো অধিক লোকচানৰ সন্মুখীন হৈছিল ৷ যাৰ ফলত প্ৰিয়াৰ দুজনীয়া পৰিয়ালটোৱে আৰ্থিক দৈন্যতাত ভুগিবলগীয়া হৈছিল ।
ভগৱানে কেৱল ইমানতেই ক্ষান্ত নাথাকি কেইবছৰমানৰ পূৰ্বে প্ৰিয়াৰ মাতৃকো অচিন দেশলৈ গৈছিল ৷ প্ৰিয়াৰ মাকৰ মৃত্যু হোৱালৈ ইতিমধ্যে প্ৰিয়াহঁতৰ ঘৰখন আৰু এখন বাহনৰ বাদে একোৱেই হাতত নাছিল ৷ মাতৃৰ মৃত্যুৰ পিচত ঘৰৰ ভাড় বহন কৰিব নোৱাৰি প্ৰিয়াই ঘৰটো এৰিব লগীয়া হৈছিল ৷ প্ৰিয়াই বহুবাৰ পৰিয়াল, বন্ধু-বন্ধৱীৰ পৰা সহায় ল’বলৈ চেষ্টা কৰিছিল যদিও বিফল হৈছিল ৷ শেষৰ সময়লৈ প্ৰিয়াৰ লগৰী হিচাপে থকা দুটা কুকুৰৰ সৈতে তাই হোণ্ডা চিটী চেডান বাহনখনতেই জীৱন অতিবাহিত কৰিবলৈ ঠিৰাং কৰিলে (woman living in a Honda city for 4 years) ৷
ইফালে ইয়াৰে এটা কুকুৰ আছিল অন্ধ ৷ তিনিজনীয়া পৰিয়ালটো কোনো ৰকমে জীয়াই থাকিবলৈকে প্ৰিয়াই জীৱিকাৰ সন্ধান কৰিবলৈ আৰম্ভ কৰিলে ৷ কোনোমতে প্ৰিয়াই এগৰাকী বন্ধুৰ ঘৰত কাম কৰিবলৈ মনস্থ কৰিলে ৷ প্ৰিয়াক কামৰ বিনিময়ত দিব 500 ডি এইছ এইছ ৷ লাহে লাহে প্ৰিয়াই ইঘৰ সিঘৰকে অঞ্চলটোৰ প্ৰায় লোকৰ ঘৰতেই বনকৰা যুৱতী হিচাপে কাম কৰিবলৈ ধৰিলে ৷
ইফালে দিন বাগৰি যোৱাৰ লগে লগে ভাৰতত বাস প্ৰিয়াৰ ভাতৃও ৰোগত আক্ৰান্ত হ’ল ৷ উপায়হীন হৈ প্ৰিয়াই নিজ দৰমহাৰ ধনখিনি ভাতৃৰ চিকিৎসাৰ কাৰণে ভাৰতলৈ প্ৰেৰণ কৰা আৰম্ভ কৰিলে ৷ আনহাতে প্ৰিয়া ডুবাইৰ ভিছাৰ ম্যাদ উকলি গৈছিল ৷ তাই অবৈধভাৱে ডুবাইত বাস কৰি আছিল ৷ সেয়েহে তাই কামৰ বাবদ অধিক মজুৰি বিচাৰিবও নোৱাৰে বা উন্নত দৰমহাৰ বাবে দাম দৰ কৰাৰ অনুমতি নাছিল ৷
লাহেকৈ প্ৰিয়াৰ বাহনখনেই তেওঁৰ বাসস্থান হ’বলৈ আৰম্ভ কৰিছে ৷ যোৱা চাৰি বছৰ ধৰি দুটা কুকুৰৰ সৈতে হোণ্ডা বাহনখনতেই বাস কৰি আহিছে প্ৰিয়াই ৷ ক্ৰমাৎ প্ৰিয়াই একে ঠাইতে বাস কৰাটো অসম্ভৱ হৈ পৰিল ৷ প্ৰিয়াই প্ৰতি চাৰিমাহৰ মূৰে মূৰে নিজ গাড়ীখনত তেল ভৰাই আৰু নতুন এটা স্থানলৈ যাত্ৰা কৰে ৷ প্ৰিয়াই এবাৰত তেল ভৰালে প্ৰায় চাৰি মাহলৈ গাড়ী চলাব পাৰে ৷
কাৰণ তেওঁ স্থান সলনি কৰাৰ পিচত বাহনখন নচলায়, তেওঁ ইন্ধন ৰাহি কৰিবলৈ গাড়িৰ খিৰিকীবোৰ তললৈ নমাই ৰাখি এচিৰ ব্যৱহাৰ নকৰে ৷ প্ৰিয়াই পৰিধান কৰিবলৈ মাত্ৰ তিনিযোৰ পোছাকহে আছে ৷ প্ৰিয়াই 3 বছৰৰ পূৰ্বে শেষবাৰৰ বাবে বজাৰ কৰিছিল ৷
প্ৰিয়াৰ তিনিটাকৈ স্নাতক ডিগ্ৰী আছে ৷ প্ৰিয়াৰ অৰ্হতা অনুযায়ী বৰ্তমান তেওঁ 80,000 ডিএইচএছ মূল্য উপাৰ্জন কৰা ক্ষমতা আছে , যি ভাৰতীয় মূল্যত 18 লাখ টকাৰ সমসাময়িক ৷
আনকি প্ৰিয়াই মাতৃৰ মৃত্যুৰ পিচৰে পৰা বাহনখনত মাতৃৰ চিতাভস্ম কঢ়িয়াই লৈ ফুৰে ৷ ভাৰতৰ এখন নদীত তেওঁৰ চিতাভস্ম বিসৰ্জন দিয়াটো প্ৰিয়াৰ মাতৃৰ অন্তিম ইচ্ছা আছিল । কিন্তু ভ্ৰমণৰ নিষেধাজ্ঞা আৰু দেশখনত অবৈধ নাগৰিক হিচাপে বাস কৰাৰ গোচৰৰ বাবে প্ৰিয়াই ডুবাই এৰি আহিব নোৱাৰে ৷
সম্প্ৰতি প্ৰিয়াই সামাজিক মাধ্যমত শ্বেয়াৰ কৰা এক ভিডিঅ’ৰ যোগেৰে এই ঘটনা পোহৰলৈ আহে ৷ ইউটিউব মাধ্যমৰ জড়িয়তে এটা ভিডিঅ’ত প্ৰিয়াই বাহনখনত কেনেদৰে জীৱন নিৰ্বাহ কৰিছে তাক দেখুওৱা হৈছিল ৷
লগতে পঢ়ক: Hindu temple vandalised in Canada : কানাডাৰ হিন্দু মন্দিৰত দুৰ্বৃত্তৰ আক্ৰমণ
