Sanjay Singh on ED remand: সাত দিনৰ বাবে ED ৰ জিম্মাত সাংসদ সঞ্জয় সিং

আপৰ সাংসদ সঞ্জয় সিঙৰ বিপদ বাঢ়িছে । দিল্লীৰ বহু চৰ্চিত সুৰা কেলেংকাৰীৰ গোচৰত গ্ৰেপ্তাৰ হোৱা সিঙক আদালতে 7 দিনৰ বাবে ED ৰ জিম্মালৈ প্ৰেৰণ কৰিছে । সুৰা ব্যৱসায়ী দীনেশ অৰোৰাৰ সৈতে মধ্যভোগীৰ চৰিত্ৰ পালন কৰাৰ অভিযোগ সিঙৰ বিৰুদ্ধে ।

নিউজ ডেস্ক, 5 অক্টোবৰ: দিল্লীৰ বহু বিতৰ্কিত সুৰা কেলেংকাৰিৰ গোচৰত প্ৰৱৰ্তক সঞ্চালকালয়ে গ্ৰেপ্তাৰ কৰা সঞ্জয় সিঙক বৃহস্পতিবাৰে আদালতত হাজিৰ কৰোৱা হয় ৷ অনুসন্ধানকাৰী সংস্থাটোৱে সঞ্জয় সিঙক 7 দিনৰ বাবে নিজৰ জিম্মাত বিচাৰি আদালতত আবেদন কৰে ৷ ইতিমধ্যে আদালতে এই আবেদন মঞ্জুৰ কৰাৰ লগে লগে ED য়ে জিম্মাত লৈছে সঞ্জয় সিঙক ৷ বুধবাৰে 10 ঘন্টাজোৰা জেৰাৰ অন্তত বিয়লি আপৰ সাংসদগৰাকীক গ্ৰেপ্তাৰ কৰিছিল ৷ ইয়াৰ পাচতেই আপৰ একাংশ কাৰ্যকৰ্তাই তীব্ৰ প্ৰতিবাদ সাব্যস্ত কৰে ৷ ED ৰ কাৰ্যালয়লৈ যোৱা পথত একাংশ আপৰ সদস্য শুই পৰাও দেখা যায় ৷

• #WATCH | AAP MP Sanjay Singh brought to Delhi's Rouse Avenue court
  
  Singh was arrested yesterday evening following the ED raid at his residence in connection with the Delhi excise policy case. pic.twitter.com/LuHyWtVAYp

  — ANI (@ANI) October 5, 2023 " class="align-text-top noRightClick twitterSection" data="

  #WATCH | AAP MP Sanjay Singh brought to Delhi's Rouse Avenue court
  
  Singh was arrested yesterday evening following the ED raid at his residence in connection with the Delhi excise policy case. pic.twitter.com/LuHyWtVAYp

  — ANI (@ANI) October 5, 2023

  ">

  #WATCH | AAP MP Sanjay Singh brought to Delhi's Rouse Avenue court
  
  Singh was arrested yesterday evening following the ED raid at his residence in connection with the Delhi excise policy case. pic.twitter.com/LuHyWtVAYp

  — ANI (@ANI) October 5, 2023

কটকটীয়া নিৰাপত্তা বেষ্টনীৰ মাজেৰে ৰাউজ এভিনিউ আদালতত হাজিৰ কৰোৱা সাংসদ সঞ্জয় সিঙে কয় যে, নিৰ্বাচনত পৰাস্ত হোৱাৰ পথত নৰেন্দ্ৰ মোদী । সেইবাবেই তেওঁ এই সকলোবোৰ কাম কৰাই আছে । এয়া নৰেন্দ্ৰ মোদীৰ অন্যায় । আদালতৰ বাহিৰত বিপুল জনসমাগম দেখি ED য়ে সিঙক দ্বিতীয় গেটেৰে ভিতৰলৈ লৈ যায় । আদালতৰ বাহিৰত কটকটীয়া নিৰাপত্তাৰ ব্যৱস্থা কৰা হৈছিল ।

সঞ্জয় সিঙৰ বিৰুদ্ধে অভিযোগ : ED ৰ অভিযোগ মতে, সাংসদগৰাকীৰ নিৰ্দেশত সুৰা ব্যৱসায়ী দীনেশ অৰোৰাই বহু ৰেষ্টুৰেণ্টৰ মালিকৰ সৈতে কথা পাতি দিল্লীৰ আগন্তুক নিৰ্বাচনৰ বাবে দলৰ হৈ ধন সংগ্ৰহ কৰিছিল । আবকাৰী বিভাগৰ ওচৰত বিচাৰাধীন হৈ থকা অৰোৰাৰ এটা গোচৰ সিঙে সমাধান কৰা বুলিও অভিযোগ উত্থাপন হৈছে । ED য়ে গ্ৰেপ্তাৰ কৰা আপৰ তৃতীয়গৰাকী জ্যেষ্ঠ নেতা সঞ্জয় সিং । ইয়াৰ পূৰ্বে এই গোচৰত ফেব্ৰুৱাৰী মাহৰ পৰা কাৰাবাস খাটি আছে প্ৰাক্তন উপ মুখ্যমন্ত্ৰী মনীষ ছিছোদিয়া ।

লগতে পঢ়ক: AAP MP Sanjay Singh arrested: সুৰা কেলেংকাৰীৰ গোচৰত গ্ৰেপ্তাৰ আপৰ সাংসদ সঞ্জয় সিং