শিলচৰ, 9 আগষ্ট: শিলচৰৰ কাঠালৰোডত জব্দ 18 হাজাৰ য়াবা টেবলেট ৷ বৃহস্পতিবাৰে নিশা চলা অভিযানত জব্দ হয় এই বৃহৎ পৰিমাণৰ নিচাজাতীয় সামগ্ৰী ৷ ভাৰতীয় সেনা আৰু অসম ৰাইফলছে কাছাৰ আৰক্ষীৰ সৈতে চলাইছিল এই যুটীয়া অভিযান ৷
এক গোপন সূত্ৰৰ ভিত্তিত কাঠালৰোড অঞ্চলত AS 10 E3552 নম্বৰৰ এখন পালচাৰ বাইকত তালাচী চলাই অভিযানকাৰী দলটোৱে জব্দ কৰে বৃহৎ পৰিমাণৰ এই য়াবা টেবলেটখিনি ৷ লগতে আটক কৰে কৰিমগঞ্জৰ আছিমগঞ্জৰ মেহেবুব আলম নামৰ এজন যুৱকক ৷ বৃহৎ পৰিমাণৰ এই য়াবা টেবলেটখিনি যুৱকজনে শিলচৰত বিক্ৰী কৰাৰ উদ্দেশ্যে লৈ আহিছিল ৷ জব্দকৃত নিচাযুক্ত টেবলেটখিনিৰ মূল্য চোৰাং বজাৰত কেইবাকোটি টকা ৷
