চিলাপথাৰত ভয়ংকৰ পথ দুৰ্ঘটনাত আহত ৩০ খেলুৱৈ

ধেমাজি: ধেমাজি জিলাৰ চিলাপথাৰৰ নামনি মুক্তিয়াৰত সংঘটিত হৈছে এক পথ দুৰ্ঘটনা । মঙলবাৰে মাজবাটত সংঘটিত হয় এই ভয়ংকৰ পথ দুৰ্ঘটনাটো । দুৰ্ঘটনাত পতিত চিলাপথাৰ লক্ষীপুৰত চলি থকা মিছিং অ'লিম্পিক খেলৰ বাছনি শিবিৰত অংশগ্ৰহণৰ বাবে যোৱা খেলুৱৈৰ দল ।

এই দুৰ্ঘটনাত মেজিক বাহনখনত থকা ৩০ গৰাকী খেলুৱৈ গুৰুতৰভাৱে আঘাতপ্ৰাপ্ত হয় । ইয়াৰ পিচতেই আহতসকলক ততাতৈয়াকৈ চিলাপথাৰ মডেল হাস্পতালত চিকিৎসাৰ বাবে ভৰ্তি কৰোৱা হয় । ইয়াৰে পাঁচগৰাকীক সংকটজনক অৱস্থাত উন্নত চিকিৎসাৰ বাবে ডিব্ৰুগড়ৰ লৈ প্ৰেৰণ কৰে ।