তিনিচুকীয়া,১৩ ফেব্ৰুৱাৰী: তিনিচুকীয়া জিলাৰ মাৰ্ঘেৰিটাৰ এখন চাহ বাগিচাত ওলমিল তলা । চৰকাৰী নীতি-নিৰ্দেশনাক অমান্য কৰাৰ ফলশ্ৰুতিতে পৌৰসভাই তলা ওলমাই বাগিচাখনত । পৌৰসভাই নিৰ্ধাৰিত কৰা কৰ আদায় দিয়াত হেমাহি কৰাৰ অভিযোগ বাগিচাখনৰ কৰ্তৃপক্ষৰ বিৰুদ্ধে ।
- " class="align-text-top noRightClick twitterSection" data="">
জানিব পৰা মতে তিনিচুকীয়া জিলাৰ মাৰ্ঘেৰিটা নগৰস্থিত চেগুনবাৰী চাহ বাগিচাৰ বিৰূদ্ধে বিভিন্ন সময়ত বিভিন্ন অভিযোগ উত্থাপন হৈ আহিছে । শেষতীয়াকৈ ডিব্ৰুগড়ৰ নিবাসী গৌতম বেড়ীয়া মালিকাধীন চাহ বাগিচাখনৰ বিৰূদ্ধে উত্থাপন হৈছে চৰকাৰী নীতি-নিদেৰ্শনাক ভেঙুচালি কৰি সম্পতি কৰ আদায় নিদিয়াৰ গুৰুতৰ অভিযোগ ।
মাৰ্ঘেৰিটা পৌৰসভাই জনোৱা অনুসৰি ২০১৮ চনৰ পৰা সম্পত্তিৰ কৰ কাৰ্যকৰী কৰিছিল পৌৰসভাই । সেই মৰ্মে সম্পত্তিৰ কৰ আদায় দিবলৈ পৌৰসভাখনে চেগুনবাৰী চাহ বাগিচালৈ প্ৰেৰণ কৰিছিল জাননী পত্ৰ । কিন্তু বাগিচাখনৰ গৰাকী গৌতম বেড়ীয়াই পৌৰসভাৰ জাননীক ভেঙুচালি কৰি কোনো ধৰণৰ কৰ আদায় দিয়াৰ পৰা বিৰত আছিল ।
বাৰম্বাৰ জাননী দিয়াৰ পাছত বাগিচা কৰ্তৃপক্ষৰ চূড়ান্ত অৱহেলাৰ পাছত পৌৰসভাই ১০ দিনৰ সময় দি এখন চূড়ান্ত জাননী জাৰি কৰিছিল । কিন্তু তাৰপিছতো গা-নলৰিল কৰ্তৃপক্ষৰ । অৱশেষত মঙলবাৰে নিৰ্ধাৰিত সময় উকলি যোৱাৰ পৰিপ্ৰেক্ষিতত পৌৰসভাখনৰ কাৰ্যবাহী বিষয়া প্ৰতীম গগৈ, পৌৰপতি আনন্দ কুমাৰ শৰ্মাসহ এটা দল উপস্থিত হৈ ফেক্টৰীটো চীল কৰিবলৈ বাধ্য হয় ।
বিষয়াসকলে জনোৱা অনুসৰি বাগিচাখনে পৌৰসভাক ২০১৮ চনৰ পৰা ৫ লাখ টকাৰ সম্পত্তি কৰ আদায় দিবলৈ বাকী আছে । যদি অনাদায় কৰ আদায় দিয়ে তেন্তে পুনৰ ফেক্টৰীটো পূৰ্বৰ দৰে চলাব পাৰিব বুলি উল্লেখ কৰে । ইফালে ফেক্টৰীটো চীল কৰাৰ পিছতে কৰ্মচাৰীসকলে ভৱিষ্যতক লৈ চিন্তিত হৈ পৰা পৰিলক্ষিত হৈছে ।
লগতে পঢ়ক: বিদ্যুৎ যোগান নিয়মীয়া নকৰিলে বিভাগৰ কাৰ্যালয় ঘেৰাও কৰাৰ হুংকাৰ এবিএমছুৰ
