গুৱাহাটী, ১ জুলাই: অসমৰ জটিল বান পৰিস্থিতিৰে মোকাবিলা কৰাৰ বাবে ৰাজ্য চৰকাৰ সক্ষম । মুখ্যমন্ত্ৰী ড৹ হিমন্ত বিশ্ব শৰ্মাই সোমাবাৰে দিছপুৰ লোকসেৱা ভৱনত সংবাদমেল সম্বোধন কৰি এই কথা প্ৰকাশ কৰে । তেওঁ কয় যে অসমৰ বান পৰিস্থিতি সন্দৰ্ভত প্ৰধানমন্ত্ৰীৰ সৈতেও কথা পাতিছে মুখ্যমন্ত্ৰীৰ হিমন্ত বিশ্ব শৰ্মাই । সম্প্ৰতি অসমৰ বান পৰিস্থিতি শোচনীয় হৈছে ।
I am addressing a Press Conference on an important issue. Join me LIVE. https://t.co/7t5PLwsgAD
— Himanta Biswa Sarma (@himantabiswa) July 1, 2024
মুখ্য়মন্ত্ৰীয়ে কয়, ‘‘প্রধানমন্ত্রী নৰেন্দ্র মোদীয়ে ফোনযোগে অসমৰ বান পৰিস্থিতিৰ বিষয়ে বুজ লয় । মই প্ৰধানমন্ত্ৰীক অৰুণাচল প্রদেশ আৰু অসমৰ উজনি অংশৰ জিলাসমূহত ধাৰাসাৰ বৰষুণৰ ফলশ্রুতিত অসম এই বছৰৰ দ্বিতীয়টো বানৰ দ্বাৰা প্রভাৱিত হোৱাৰ কথা বিস্তাৰিতভাৱে কওঁ । তেওঁ মোক ৰাজ্যৰ এই সংকটৰ সময়ত ভাৰত চৰকাৰৰ পৰা সম্পূৰ্ণ সহযোগিতাৰ আশ্বাস প্রদান কৰে । গৃহমন্ত্ৰী অমিত শ্বাহেও ফোন কৰি ৰাজ্যৰ এই সংকটৰ সময়ত ভাৰত চৰকাৰৰ পৰা সম্পূৰ্ণ সহযোগিতাৰ আশ্বাস প্রদান কৰিছে ।’’
We want to reassure the people of Assam that the State Government and Government of India will provide all help to those affected by floods. All MLAs have been asked to stay in their constituencies.
— Himanta Biswa Sarma (@himantabiswa) July 1, 2024
Sharing an update on the flood situation #PressConferenceHighlights pic.twitter.com/A3IQq2Ftem
লগতে পঢ়ক: প্ৰবল বানৰ কবলত লখিমপুৰ জিলা : স্থগিত জিলা আয়ুক্ত সন্মিলন - Assam floods 2024
তেওঁ লগতে কয়, ‘‘অসমৰ বান পৰিস্থিতি অৱনমিত হৈছে । বহুত জিলাত ব্ৰহ্মপুত্ৰৰ পানী বিপদসীমাৰ ওপৰেৰে বৈ আছে । এইক্ষেত্ৰত বান পৰিস্থিতি উদ্বেগজনক । অহা চাৰিদিন জটিল হ'ব । চৰকাৰৰ পৰ্যালোচনা অব্যাহত আছে । আজিৰ তাৰিখত অসমৰ ১৪ খন জিলাৰ ৪১ ৰাজহ চক্ৰৰ ৬৯৮ খন গাঁও বানত বুৰ গৈ আছে । ২ লাখ ৭০ হাজাৰ ৬২৮ জন লোক বানত ক্ষতিগ্ৰস্ত হৈছে ।’’
২০১১ আৰু ২০১৭ চনতকৈ এইবাৰ সোৱণশিৰি নদীত পানী বেছি হৈছে । বিপদসীমা অতিক্ৰম কৰাৰ বাবে সোৱণশিৰি বান্ধৰ পৰা ৪০৯ কিউবিক মিটাৰ পানী এৰি দিয়া হৈছে । ফলত উত্তৰ লখিমপুৰৰ ১৯ গাঁৱৰ ১১ হাজাৰ লোক ক্ষতিগ্ৰস্ত । এতিয়া দ্বিতীয়বাৰ পানী এৰি দিয়া নাই বুলি মুখ্যমন্ত্ৰীয়ে জনায় ।
লগতে পঢ়ক: ৰাজ্যত বানৰ সংহাৰ : মৃতকৰ সংখ্যা ৩৪ লৈ বৃদ্ধি; ৬৭১ খন গাঁও এতিয়াও পানীৰ তলত - Assam Flood 2024
কাজিৰঙাত ২৩৩ টা বন শিবিৰ ভিতৰত ৯৫ টা বানত বুৰ গৈছে । কাজিৰঙাৰ মাজেৰে ট্ৰাকৰ চলাচল বন্ধ কৰা হৈছে । এই ট্ৰাকবোৰ উত্তৰ অসমেৰে যোৰহাটত প্ৰৱেশৰ ব্যৱস্থা কৰা হৈছে । নৈশ বাছ আৰু অন্যান্য বাহন ৩০ মিনিটৰ অন্তৰে অন্তৰে যাবলৈ দিয়া হৈছে বুলিও মুখ্যমন্ত্ৰীয়ে সদৰী কৰে ।
তেওঁ কয় যে বান পৰিস্থিতিৰ বাবে লখিমপুৰত জিলা উপায়ুক্তৰ সন্মিলন স্থগিত ৰখা হৈছে । মন্ত্ৰীসকললক বান পৰিস্থিতি তদাৰক কৰাৰ বাবে নিৰ্দেশ দিয়া হৈছে । লগতে বিধায়কসকলকো আহ্বান কৰা হৈছে । অহা বুধবাৰে কেবিনেট বৈঠকত বানৰ বিষয়ে আলোচনা কৰা হ'ব বুলি মুখ্যমন্ত্ৰীয়ে জনায় ।
