পেটৰ তাড়নাত শৈশৱতে আহিছিল অসমলৈ: ঘূৰি যোৱা নহ’ল বিশ্বনাথ ৰাজবংশীৰ

Loneliness in old age: শৈশৱতে ঘৰ এৰি অসমলৈ আহিছিল তেওঁ ৷ দাৰিদ্ৰতাৰে যুঁজি যুঁজি এতিয়া তেওঁ উপনীত হৈছে জীৱনৰ বিয়লিত ৷ কোচবিহাৰৰ জন্ম ঠাইখনত এতিয়া কোন কোন আছে তাকো নাজানে তেওঁ ৷ অন্য এক জীৱনৰ কাহিনীৰে সাংবাদিক যুগল মেধিৰ এই প্ৰতিবেদন...

সৰুপথাৰ, ১৯ মাৰ্চ: চামে চামে মানুহ আহিছে পৃথিৱীলৈ । যিদৰে আহিছে, সেইদৰে সময়ৰ সোঁতত পৃথিৱীৰ পৰা বিদায়ো লৈছে ৷ জীৱিত অৱস্থাতে সম্পৰ্কবোৰৰ চিন-মোকামো নাইকিয়া হৈ যায় বহুতৰ, জীৱনৰ বিয়লি কটাবলগীয়া হয় নিঃসংগতাক আকোঁৱালি ৷

• " class="align-text-top noRightClick twitterSection" data="">

সৰুপথাৰৰ পদুমনিত বাস কৰি আছে তেনে এগৰাকী নিঃসংগ, অসহায় বৃদ্ধ ৷ তেওঁৰ বয়স আশীৰ উৰ্ধৰ । বৃদ্ধগৰাকীৰ নাম বিশ্বনাথ ৰাজবংশী ৷ বাধ্যত পৰি ১০-১২ বছৰ বয়সতেই কোচ বিহাৰৰ পৰা অসমলৈ আহিছিল তেওঁ ৷

কৈশোৰৰ আনন্দ উপভোগৰ বয়সতেই পিতৃ-মাতৃক হেৰুৱাই নিঃসংগ হৈ পৰিছিল বিশ্বনাথ । ভূমিহীন হোৱা হেতু বিশ্বনাথ ৰাজবংশী অসহায় হৈ পৰিছিল পিতৃ-মাতৃক হেৰুৱাৰ পিচত । আশ্ৰয়ৰ বাবেও নাছিল এটা বাসগৃহ ৷ তেনে পৰিপ্ৰেক্ষিততেই অসমলৈ আহিবলৈ বাধ্য হৈছিল বিশ্বনাথ ৰাজবংশী । অসমলৈ আহি কোনো আঢ্যৱন্ত লোকৰ ঘৰত কৃষিকৰ্মৰ সৈতে জড়িত হৈ জীৱন অতিবাহিত কৰিল তেখেতে ।