স্প’ৰ্টছ ডেস্ক: মঙলবাৰে কুইন্স স্প’ৰ্টছ ক্লাবত অনুষ্ঠিত দ্বিতীয়খন এদিনীয়াত পাকিস্তানে জিম্বাব’ৱেক 10 উইকেটত পৰাস্ত কৰে ৷ সমান্তৰালকৈ তিনিখন মেচৰ এই শৃংখলাটোত 1-1 ত সমতা স্থাপন কৰে দলটোৱে ৷ এই মেচখনতে পাকিস্তানৰ হৈ ছাইম আয়ুবে অৰ্জন কৰে দ্ৰুত শতক ৷
শ্বাহিদ আফ্ৰিদীৰ অভিলেখৰ সৈতে সমতা স্থাপন ছাইম আয়ুবৰ
মঙলবাৰৰ মেচখনত 62 টা বলত 113 ৰাণ সংগ্ৰহ কৰি পাকিস্তানৰ হৈ সৰ্বাধিক দ্ৰুত এদিনীয়া শতক অৰ্জন কৰাৰ অভিলেখ গঢ়ে ছাইম আয়ুবে । মাত্ৰ 53 টা বলত শতক অৰ্জন কৰি আয়ুবে পাকিস্তানৰ হৈ তৃতীয় দ্ৰুততম শতক অৰ্জনকাৰীত পৰিণত হয় ৷
37, 45 আৰু 53 টা বলত শতক অৰ্জন কৰি পাকিস্তানৰ হৈ সৰ্বাধিক দ্ৰুত এদিনীয়া শতক অৰ্জন কৰাৰ ক্ষেত্ৰত শীৰ্ষস্থানত আছে শ্বাহিদ আফ্ৰিদীৰ নাম । আফ্ৰিদীয়ে দুবাৰকৈ এই কৃতিত্ব অৰ্জন কৰিছিল ৷ 1996 চনত নাইৰোবিত শ্ৰীলংকাৰ বিৰুদ্ধে আৰু 2005 চনত কানপুৰত ভাৰতৰ বিৰুদ্ধে দ্ৰুত শতক অৰ্জন কৰিছিল খেলুৱৈগৰাকীয়ে ।
1️⃣1️⃣3️⃣ not out
— Pakistan Cricket (@TheRealPCB) November 26, 2024
6️⃣2️⃣ balls
1️⃣7️⃣ fours
3️⃣ sixes@SaimAyub7's whirlwind maiden ODI 💯 earns him the player of the match award 🏆#ZIMvPAK | #BackTheBoysInGreen pic.twitter.com/sI3s0f1XpJ
ক্ৰিজত বেটিং কৰাৰ সময়তে আয়ুবে জিম্বাব’ৱেৰ বলাৰসকলক দিশহাৰা কৰি তোলে ৷ বাওঁহতীয়া বেটছমেনগৰাকীয়ে 17 টা চাৰি আৰু 3 টা ছয়ৰ সহায়ত শতকীয় ইনিংছটো সজায় ৷ যাৰ বাবে পাকিস্তানে কোনো উইকেট অবিহনেই 18.2 অভাৰত 146 ৰাণৰ লক্ষ্যত উপনীত হয় ।
| বেটছমেন | বল | বিপক্ষৰ দল |
| শ্বাহিদ আফ্ৰিদী | 37 | শ্ৰীলংকা |
| শ্বাহিদ আফ্ৰিদী | 45 | ভাৰত |
| শ্বাহিদ আফ্ৰিদী | 53 | বাংলাদেশ |
| ছেম আয়ুব | 53 | জিম্বাব’ৱে |
শতক অৰ্জন কৰাৰ অভিলেখ আছে ছাইম আয়ুবৰ নামত
পাকিস্তানে জিম্বাব’ৱেক 10 উইকেটত পৰাস্ত কৰি শৃংখলাত সমতা স্থাপন কৰাৰ লগতে এক অদ্ভুত অভিলেখ গঢ়িবলৈ সক্ষম হয় । আয়ুবে 148 ৰাণৰ লক্ষ্য অনুসৰণ কৰি শতক অৰ্জন কৰাৰ লগতে আন এক অভিলেখৰো গৰাকী হয়, যি অভিলেখ পূৰ্বে আছিল স্কটলেণ্ডৰ নামত ৷ দলটোৱে 2022-23 চনত নামিবিয়াৰ বিৰুদ্ধে কোনো উইকেট অবিহনে সংগ্ৰহ কৰিছিল 157 ৰাণ, য’ত দলটোৰ হৈ জৰ্জ মুনছেই শতক অৰ্জন কৰিছিল ।
The @SaimAyub7 storm helps Pakistan cruise to an emphatic 🔟-wicket win in the second ODI! 🙌
— Pakistan Cricket (@TheRealPCB) November 26, 2024
The series decider will take place on Thursday 🏏#ZIMvPAK | #BackTheBoysInGreen pic.twitter.com/73srWTUF5H
জিম্বাব’ৱেৰ বেটছমেনসকলে বিপক্ষৰ বলাৰৰ সন্মুখত দিশহাৰা হৈ পৰিছিল ৷ টছত জিকি দলটোৱে প্ৰথমে বেটিং কৰিবলৈ সিদ্ধান্ত গ্ৰহণ কৰি 145 ৰাণহে সংগ্ৰহ কৰে ৷ পাকিস্তানৰ হৈ আব্ৰাৰ আহমেদে 4 টা আৰু আঘা ছলমানে নিজৰ বিধ্বংসী স্পেলৰ সহায়ত 3 টা উইকেট দখল কৰে ৷
পাকিস্তানৰ বেটছমেনসকলে 18.2 অভাৰত সংগ্ৰহ কৰে 148 ৰাণ ৷ দলটোৰ হৈ ছাইম আয়ুবে অপৰাজিত 113 ৰাণ সংগ্ৰহ কৰাৰ বিপৰীতে ছফিকে 48 টা বলত 4 টা চাৰিৰ সহায়ত অপৰাজিত 32 ৰাণ সংগ্ৰহ কৰে ৷
এই শৃংখলাৰ প্ৰথমখন মেচত জিম্বাব’ৱে পাকিস্তানৰ বিৰুদ্ধে 80 ৰাণত জয়লাভ কৰিছিল । বৃহস্পতিবাৰে একেখন খেলপথাৰতে অনুষ্ঠিত হ’ব শৃংখলাৰ অন্তিম তথা নিৰ্ণায়ক মেচখন ।
লগতে পঢ়ক: জয় শ্বাহে কাৰ্যভাৰ চম্ভালাৰ দুদিন পূৰ্বে পাকিস্তানত বৃহৎ আঘাত হনাৰ সম্ভাৱনা
