স্প’ৰ্টছ ডেস্ক, 8 অক্টোবৰ: মল্লযুঁজৰ মঞ্চ ত্যাগ কৰি ৰাজনীতিত যোগদান কৰা প্ৰাক্তন মল্লযোদ্ধা বিনেশ ফোগাটে মঙলবাৰে ঘোষিত হাৰিয়ানা বিধানসভা নিৰ্বাচনত জয়লাভ কৰিছে । সক্ৰিয় ৰাজনীতিত আনুষ্ঠানিকভাৱে প্ৰৱেশ কৰাৰ পাছত ফোগাটৰ এয়া প্ৰথমটো সফলতা ।
বিনেশ ফোগাটে হাৰিয়ানাৰ জুলানাবাসী ৰাইজৰ পৰা 5,961 টা ভোট লাভ কৰি সমষ্টিটোৰ সাংসদৰূপে নিৰ্বাচিত হয় । পেৰিছ অলিম্পিকত স্বৰ্ণপদক অৰ্জনৰ দৌৰৰ পৰা অযোগ্য ঘোষিত হোৱাৰ পিছতে বিনেশ ফোগাটে মল্লযুঁজৰ পৰা অৱসৰ গ্ৰহণ কৰিছিল ।
देश की बेटी विनेश फोगाट को जीत की बहुत बहुत बधाई।
— Bajrang Punia 🇮🇳 (@BajrangPunia) October 8, 2024
यह लड़ाई सिर्फ़ एक जुलाना सीट की नहीं थी, सिर्फ़ 3-4 और प्रत्याशियों के साथ नहीं थी, सिर्फ़ पार्टियों की लड़ाई नहीं थी।
यह लड़ाई देश की सबसे मज़बूत दमनकारी शक्तियों के ख़िलाफ़ थी। और विनेश इसमें विजेता रही।#VineshPhogat… pic.twitter.com/dGR5m2K2ao
পৰৱৰ্তী সময়ত খেলুৱৈগৰাকীয়ে নতুন দিল্লীত সতীৰ্থ বজৰং পুনিয়াৰ সৈতে শীৰ্ষ কংগ্ৰেছ নেতৃত্বৰ উপস্থিতিত দলটোত যোগদান কৰে ৷ হাৰিয়ানা বিধানসভা নিৰ্বাচনৰ প্ৰতি লক্ষ্য ৰাখি কংগ্ৰেছে তেওঁক জুলানা সমষ্টিৰ পৰা টিকট প্ৰদান কৰে ৷ মঙলবাৰে ঘোষিত ফলাফলত বিনেশ ফোগাট সাংসদৰূপে নিৰ্বাচিত হোৱাটো নিশ্চিত হৈ পৰে ৷
জন্তৰ-মন্তৰত বহিছিল প্ৰতিবাদত
পূৰ্বে বিনেশে যন্তৰ-মন্তৰত হোৱা প্ৰতিবাদত অংশগ্ৰহণ কৰাৰ পৰাই আছিল চৰ্চাত ৷ তেওঁ ডব্লিউ এফ আইৰ প্ৰাক্তন সভাপতি ব্ৰীজভূষণ সিঙৰ বিৰুদ্ধে মহিলা খেলুৱৈসকলৰ ওপৰত চলা যৌন নিৰ্যাতনৰ অভিযোগ উত্থাপন কৰিছিল । যন্তৰ-মন্তৰত দীৰ্ঘদিনে চলা এই প্ৰতিবাদৰ বিষয়টোৱে দেশত যথেষ্ট চৰ্চা লাভ কৰিছিল ।
53 ৰ পৰা 50 কিল’গ্ৰাম শাখাত বিনেশে কৰিছিল প্ৰতিদ্বন্দ্বিতা
পৰৱৰ্তী সময়ত বিনেশ ফোগাটে পেৰিছ অলিম্পিকৰ বাবে প্ৰস্তুতি আৰম্ভ কৰে ৷ 53 কিলোগ্ৰাম শাখাত যুঁজ দিয়া বিনেশে 50 কিল’গ্ৰাম শাখাত হাৰ মানি যুঁজ নিদিয়াৰ সিদ্ধান্ত লয় । পৰৱৰ্তী সময়ত ফাইনেল মেচৰ পূৰ্বে শৰীৰৰ 100 গ্ৰাম বৰ্ধিত ওজনৰ বাবে বিনেশক অযোগ্য ঘোষণা কৰা হৈছিল ৷
অযোগ্য ঘোষণা হোৱাৰ পিছত ভাৰতীয় অলিম্পিক সংস্থাই বিনেশ ফোগাটক চি এ এছত যুটীয়া পদক প্ৰদান কৰিবলৈ অনুৰোধ জনাইছিল । অৱশ্যে শুনানিৰ পিছত মল্লযোদ্ধাগৰাকীৰ আবেদন আদালতে নাকচ কৰে । চি এ এছে আবেদন নাকচ কৰাৰ লগে লগে বিনেশ ফোগাটৰ অলিম্পিকত পদক জয়ৰ সপোনো আধৰুৱা হৈ ৰয় ।
পদক জয়ৰ সপোন হৈ ৰ’ল আধৰুৱা
বিনেশ ফোগাটে ছেমি ফাইনেলত জয়লাভ কৰাৰ লগে লগে নিশ্চিত হৈছিল ৰূপৰ পদক ৷ যাৰ বাবে সমগ্ৰ দেশে এই বিজয় উদযাপন কৰে ৷ কিন্তু আকস্মিকভাৱে সংঘটিত এক ঘটনাই হতবাক কৰি তোলে দেশবাসীক ৷
স্বৰ্ণপদক অৰ্জনৰ দৌৰৰ পৰা বঞ্চিত হৈছিল বিনেশ ফোগাট ৷ এই ঘটনাটোত খেলুৱৈগৰাকীয়ে অকল মানসিকভাৱে ভাগি পৰাই নহয়, বৰং সমগ্ৰ দেশ স্তব্ধ হৈছিল এই খবৰ শুনি ৷ বিনেশ ইমানেই ভাগি পৰিছিল যে পেৰিছৰ পৰাই মল্লযুদ্ধৰ পৰা অৱসৰ ঘোষণা কৰিছিল ।
ভাৰতত বিপুল আদৰণি
চি এ এছৰ সিদ্ধান্তৰ পিছতে ভাৰতলৈ উভতি আহে বিনেশ ফোগাট ৷ পদক নাপালেও ইন্দিৰা গান্ধী আন্তঃৰাষ্ট্ৰীয় বিমানবন্দৰৰ পৰাই তেওঁৰ ঘৰলৈ উষ্ম আদৰণি লাভ কৰে খেলুৱৈগৰাকীয়ে ৷ দিল্লী বিমানবন্দৰৰ পৰা প্ৰায় 7 ঘণ্টাৰ মূৰতহে বাসগৃহত উপস্থিত হৈছিল বিনেশ ৷ তাৰমাজতে খেলুৱৈগৰাকীৰ জন্মদিনত খাপ পঞ্চায়তে প্ৰদান কৰিছিল স্বৰ্ণপদক ৷
হাৰিয়ানাৰ জনতাই কৰিলে নিৰ্বাচিত
বিনেশৰ জনপ্ৰিয়তাৰ পৰিপ্ৰেক্ষিতত কংগ্ৰেছে তেওঁক জুলানা সমষ্টিৰ পৰা টিকট দিয়াৰ সিদ্ধান্ত লয় । ভাৰতলৈ উভতি অহাৰ পিছতে বিনেশে যোগদান কৰিছিল কংগ্ৰেছত ৷ তাৰপিছৰে পৰা তেওঁ হাৰিয়ানা বিধানসভা নিৰ্বাচনৰ কামত ব্যস্ত হৈ পৰে ৷
কঠোৰ পৰিশ্ৰম কৰি বিনেশে সমষ্টিত চলাইছিল প্ৰচাৰ অভিযান । পেৰিছ অলিম্পিক 2024 ত অযোগ্য ঘোষিত বিনেশক হাৰিয়ানাৰ জুলানাবাসীয়ে নিৰ্বাচিত কৰি ৰাজনীতিৰ ক্ষেত্ৰখনত প্ৰদান কৰিলে নতুন পৰিচয় ৷
লগতে পঢ়ক: বিনেশ ফোগাটৰ নতুন ইনিংছ; জুলানা সমষ্টিৰ পৰা জয়লাভ
